سەرۆکایەتی شارەوانی هەولێر لەڕێگەی تیمەکانی بەڕێوەبەرایەتی شارەوانی چوار دەستیکرد بە پڕۆژەی دروستکردنی شەقامێکی نوێ لە گەڕەکی باداوە ناسراو بە عەلیاوە.
سیامەند کەریم، گووتەبێژی سەرۆکایەتی شارەوانی هەولێر بە کوردستان تیڤی ڕاگەیاند:" پڕۆژەکە پێکھاتووە لە بڕگەکانی شەقام (بڕین و پڕ کردنەوە ، تێکەڵە جۆری ئەی ،کارەکانی کربستۆن،تێکەڵە جۆری بی).
ڕاشیگەیاند:" پڕۆژەکە لەسەر بودجەی بەڕێوەبەرایەتی شارەوانی چواری هەولێر جێبەجێ دەکرێت.
گوتەبێژی سەرۆکایەتی شارەوانی هەولێر، ئاماژەی بەوەشدا:" سەرۆکایەتی شارەوانی هەولێر ڕۆژانە چاودێری سەرجەم گەڕەک و شەقامەکانی شار دەکات بەپێی ئەو توانا داراییەی لەبەردەستە کێشەی خراپی شەقام و کوچە و کۆڵانەکان چارەسەر دەکەین بە دووبارە نۆژەنکردنەوەیان.
سەبارەت بە پڕۆژەی دیکە سیامەند کەریم، باسی لەوەکرد کە لەماوەی دەست بەکار بوونی کابینەی نۆیەمی حکومەتی هەرێمی کوردستان و ستافی نوێی سەرۆکایەتی شارەوانی هەولێر ژمارەیەک پڕۆژەی دروستکردنی شەقام، قیڕتاوکردن، کۆنکرێت، تێکەڵەڕێژکردن، ئاوەڕۆ، ئەنجامدراون.
کۆمێنت (0)
تا ئێستا هیچ کۆمێنتێک نەکراوە.