نامه‌ی مامۆستایه‌ک بۆ دایباب و په‌روه‌رده‌کاران

نامه‌ی مامۆستایه‌ك بۆ دایباب و په‌روه‌رده‌كاران

سڵاو په‌روه‌رده‌كارانی هێژا

ئه‌وه‌ ماوه‌ی چڵ ساڵه‌ وانه‌ به‌ به‌شی هه‌ره‌ زۆری گه‌نجه‌كانمان ده‌ڵێینه‌وه‌ و به‌ زانكۆمان گه‌یاندن.

وه‌لێ هه‌موو شت خراپتربوو!؟

ڕووداوه‌كانی هاتوچۆ پتر بوون!

جیاوازی چینایه‌تی فراوانتر بوو،

به‌فیڕۆدان و خه‌ساربوونی نان زیاتربوو،

پیس بوونی ژینگه‌ زیاتربوو،

دۆسییه‌كانی فڕوفێڵ و گزی له‌ ماده‌ی هۆشبه‌ر زیاتر بوو،

ژماره‌ی زیندانییه‌كانمان هه‌ڵكشا.

كۆچ و سه‌رهه‌ڵگرتنی ده‌سته‌بژێره‌كانمان بوو به‌لێشاو،

ئاڵووده‌بوون له‌ سه‌ر نێرگله‌و جگه‌ره‌و ئه‌نته‌رنیت زیاتر بوو.

په‌یوه‌ندی كۆمه‌ڵایه‌تی و خێزانی نزیك بووه‌ وه‌ له‌ هێڵی سفر.

كه‌واته‌ ئیدی باواز بێنین له‌ ته‌نها وانه‌ ووتنه‌وه‌ی ڕووت، فێركردنی منداڵه‌كان ئاسان و سانایه‌.

ئێمه‌ پێویستمان به‌زانا نییه‌، هه‌نووكه‌ گرفتاری كه‌مبوونه‌وه‌ی له‌ڕاده‌به‌ده‌ری تاكی به‌هێزین.

بۆیه‌ تكایه‌ با منداڵه‌كان فێری كارامه‌ییه‌كانی ژیان بكه‌ین.

ئه‌وان با ربێنین له‌سه‌ر:

گفتوگۆكردن

خه‌یاڵكردن

داهێنان

نه‌رم ونیانی

لێبوورده‌یی

ژینگه‌ دۆستی

داوای لێبوردنكردن

خۆشویستنی ئاژه‌ڵان

چێژ وه‌رگرتن له‌ گه‌ڵای دار

هه‌ڵبه‌ز و دابه‌ز و یاری كردن

شادی ده‌ربڕین

له‌ میوزیك چێژ وه‌رگرتن

گۆرانی وتن

بۆن كردنی گوڵ

خۆشه‌ویستی دایك و باوك هاورێ

بێ ده‌نگی

گوێگرتن و بیستن

خۆشویستن

متمانه‌كردن

ڕاستگۆیی و ڕاستبوون...

باوه‌ڕبكه‌ن

ئه‌گه‌رمنداڵه‌كانمان نه‌زانن كه‌ فڵان پاشه‌یاتی پشتاوپشت كێ هات و كێ ڕۆیشت، نه‌زانن ئه‌نجامی لێكدان چه‌ند ده‌كات، یاخود به‌قاچی ڕاست یا چه‌پ بچینه‌ سه‌رئاو، هیچ شتێك له‌ خه‌لقه‌تی خودا كه‌م نابێته‌وه‌.

به‌ڵام ئه‌گه‌ر ئه‌وان ڕانه‌هێنرێن له‌سه‌ر

چۆنه‌تی ژیانكردن

خۆشویستن

باوه‌ڕبه‌خۆبوون

گونجان و به‌رگه‌گرتن

ناتوندوتیژی و ئاشتیخوازی

ژیانیان خاڵی خاڵی ده‌بێت، دواتر بۆ پڕ كردنه‌وه‌ی ئه‌و بۆشاییه‌ ده‌رونییانه‌، خه‌سار و زیانی زۆر له‌ خۆیان و كۆمه‌ڵگه‌ و ژینگه‌كه‌شمان ده‌ده‌ن.

بۆیه‌:

تكایه‌ شیعر بۆ منداڵه‌كان بخوێننه‌وه‌

فێری میوزیكیان بكه‌ن

بهێڵن پێكه‌وه‌ گۆرانی بڵێن

ڕێگه‌بده‌ن پێكه‌وه‌ نیگارێك بكێشن تاكوو فێری هاوكاری و یارمه‌تیدانی یه‌كدی بن.

كاتێك خه‌ویان هات با بنوون،

فێری خۆپارێزیان بكه‌ن.

فێری به‌رپرسیاریه‌تی نیشتیمانیان بكه‌ن .

هه‌ینێ مێشكیان هیچ وه‌رناگرێت زۆریان لێ مه‌كه‌ن،

تكایه‌ منداڵی له‌ منداڵه‌كان زه‌وت مه‌كه‌ن.

بهێڵن خۆیان باوه‌ڕ بكه‌ن.

ده‌رفه‌تی باوه‌ڕهێنانی ئازادانه‌ و ئاگایانه‌یان لێ مه‌سێنن.،

با ئازادانه‌ ڕه‌خنه‌بگرن،

ماینترسێنن با به‌ترسه‌وه‌ نه‌جنه‌سه‌ر جێگاو خه‌ویان لێبكه‌وێت

بهێڵن خۆیان بن و له‌ئێستاوه‌ تۆوی دووڕوویی و مه‌رایی كردنیان تێدا مه‌چێنن.

هه‌رچه‌ند ئێستاكێ ئێمه‌ و منداڵه‌كانیش هه‌موومان گیرۆده‌ی سیستمێكی كۆمه‌ڵایه‌تی په‌ڕپووتین، به‌ڵام هیچ نه‌بێ با له‌خه‌می یه‌كتردا بین و نه‌بوونی و ته‌نگانه‌ وخه‌م وگرێ ده‌روونییه‌كانمان نه‌به‌ینه‌ ناو پۆله‌كانی خوێندن.

ده‌روونزان: یوسف عوسمان

وه‌رگیراوه‌ به‌ ده‌ستكارییه‌وه‌