دەستەی سەرۆکایەتی پەرلەمانی کوردستان بڕیاری دا رۆژی چوارشه‌ممه 2 ى 9 ى 2020 یەکەمین دانیشتنی خولی پاییزەی ئەنجام بدات و ئەمڕۆ دووشه‌ممه‌ش سەرۆکی پەرلەمان بانگهیشتنامە بۆ پەرلەمانتاران دەنێرێت.
دەستەی سەرۆکایەتی پەرلەمانی کوردستان بڕیاری دا دانیشتنەکانی خولی پاییزەی پەرلەمانی کوردستان دەست پێ بکات و رۆژی دووی ئەیلوولی داهاتوو دانیشتنی کردنەوەی خولەکە دەبێت.
بەپێی زانیارییەکان بەرنامەی کاری دانیشتنەکەی رۆژی چوارشەممە لە سێ تەوەری سەرەکی پێکدێت، تەوەری یەکەم تایبەت دەبێت بە دەست پێ کردنی خولی پاییزە و پلان و بەرنامەڕێژی دانیشتنەکانی پەرلەمان لەو خولەدا.
لە تەوەری دووەمی دانیشتنەکە خوێندنەوەی یەکەم بۆ پرۆژەیاسای فرۆشتن و بەکرێدانی موڵکوماڵ دەکرێت کە لەلایەن حکوومەتی هەرێمی کوردستان ئامادەکراوە و رەوانەی پەرلەمان کراوە و لە تەوەری کۆتایشدا خوێندنەوەی دووەم بۆ پێشنیازە یاسای ماف و ئەرکی نەخۆش دەکرێت لە هەرێمی کوردستان.
دانیشتی رۆژی چوارشەممە کاتژمێر یەکی نیوەڕۆ دەست پێ دەکات و بەپێی بڕیاری دەستەی سەرۆکایەتی پەرلەمان بۆ لەمەودوا هەموو کۆبوونەوەکانی پەرلەمان لە کاتژمێر یەکی نیوەڕۆوە دەبێت
کۆمێنت (0)
تا ئێستا هیچ کۆمێنتێک نەکراوە.