وەزارەتی شارەوانی و گەشتوگوزار رایگه‌یاند: وێڕای قەیرانی دارایی و بڵاوبوونەوەی كۆرۆنا، لە سەرجەم شار و شارۆچكەكان بەخزمەتگوزارییە گشتییەكان به‌رده‌وامه.
وێڕای قەیرانی دارایی و بڵاوبوونەوەی كۆرۆنا، تیمی فەرمانگە شارەوانییەكانی سەر بە وەزارەتی شارەوانی و گەشتوگوزار لە سەرجەم شار و شارۆچكەكان بەردەوامی بەخزمەتگوزارییە گشتییەكان دەدەن و لەم چوارچێوەیەشدا شارەوانیی سلێمانی كاری نۆژەنكردنەوە و قیڕتاوكردنی شەقامەكان بەڕێوە دەبات، ئێستاش شەقامەكانی گەڕەكی خەبات لە شارەكە نۆژەن و قیڕتاو دەكرێنەوە.
ھە‌ڵمە‌تی نۆژە‌نكردنە‌وە‌ی شەقامەكان لە شاری سلێمانی بە‌ردە‌وامە، بەشی پرۆژە‌كان و بەشی ئامێرە‌كانی سەر بە سەرۆكایەتیی شارەوانیی سلێمانی دەستیانكرد بە پرۆسەی كاری نۆژەنكردنەوە و قیڕتاوكردنی شەقامەكانی گەڕەكی خەبات، وەك شارەوانیی سلێمانیی رایگەیاندووە شەقامەكانی ئەو گەڕەكە بە‌تە‌واوی تێكچوونە و پێویستییان بە نۆژەنكردنەوە هەیە، هاوكات دەشڵێن پرۆسەكە بەردەوام دەبێت.
کۆمێنت (0)
تا ئێستا هیچ کۆمێنتێک نەکراوە.