ئیمانوێل ماكرۆن، سه‌رۆكی فه‌ره‌نسا له‌به‌غدا رایگه‌یاند: گه‌وره‌ترین ئاله‌نگاری له‌به‌رده‌م عێراقدا ده‌ستێوه‌ردانی ده‌ره‌كییه و داواشی له‌به‌رپرسانی عێراق كرد سه‌روه‌ری وڵاته‌كه‌یان بنیات بنێنه‌وه.
ماكرۆن له‌میانه‌ی سه‌ردانه‌كه‌یدا بۆ به‌غدا له‌كۆنگره‌یه‌كی رۆژنامه‌وانیدا له‌گه‌ڵ به‌رهه‌م ساڵح ،سه‌رۆك كۆماری عێراق رایگه‌یاند: ده‌ستێوه‌ردانه ده‌ره‌كییه‌كان وڵاتی عێراق بێ هێز ده‌كات.
هه‌روه‌ها گوتی: عێراق به‌هۆی جه‌نگ و تیرۆر، رووبه‌رووی ئاله‌نگاری گه‌وره بۆته‌وه و جه‌نگی دژ به‌داعش-یش هێشتا كۆتایی نه‌هاتووه.
گوتیشی: من هاتووم تا له‌م بارودۆخه‌دا یارمه‌تی عێراق بده‌م.
ژێدەر/ سكای نیوز
کۆمێنت (0)
تا ئێستا هیچ کۆمێنتێک نەکراوە.