رۆژى پێنج شه‌ممه پۆلیسى ئه‌ڵمانیا ته‌رمى 5 منداڵى له ئاپارتمانێكى نێشه‌جێ بوون له شارى زولینگن ى رۆژئاواى وڵاته‌كه‌ى راگه‌یاند
په‌یامنێرمان خالید عه‌لى له به‌رلین پێى راگه‌یاندین رۆژى پێنج شه‌ممه ده‌زگاكانى راگه‌یاندنى ئه‌ڵمانی و پۆلیسى ئه‌و وڵاته هه‌واڵى كوشتنى 5 منداڵى له شوقه‌یه‌كى نێشته جێبوون به‌ده‌ستى دایكه‌كه‌یان راگه‌یاند .
هه‌روه‌ها رایگه‌یاند: میدیاكانى ئه‌و وڵاته باس له‌وه ده‌كه‌ن كه نه‌نكى منداڵه‌كان به پۆلیسى راگه‌یاندووه كه كچه 27 ساڵانییه‌كه‌ى ئه‌و كاره‌كردووه و ئه‌و 5 له منداڵه‌ى خۆى كوشتووه.
به گوێره‌ى راپۆرتى پۆلیسى شارى زولینگن قوربانییه‌كان ته‌مه‌نیان له نێوان سالێك بۆ 8 ساڵ ده‌بێت په‌یامنێرمان باسی له‌وه‌شكرد تا ئێستا ره‌چه‌ڵه‌كى ژنه تاوانباره‌كه ئاشكرا نه‌كراوه كه ئاخۆ له په‌نابه‌ره‌كانه یاخود به ره‌چه‌ڵه‌ك هه‌ر ئه‌ڵمانییه .
هه‌روه‌ها میدیاكان رایانگه‌یاندووه : دواى رووداوه‌كه دایكى منداڵه‌كان و كوڕێكى 11 ساڵانى له گه‌ڵ خۆیى بردووه له رێگادا هه‌وڵیداوه خۆى بخاته ژێر هێڵى شه‌مه‌نده‌فه‌ر له شارى دۆسڵدۆرف به‌و هۆیه‌ه‌ش بریندار بووه پۆلیس گواستویه‌ته‌وه نه‌خۆشخانه.
کۆمێنت (0)
تا ئێستا هیچ کۆمێنتێک نەکراوە.