ئه‌مڕۆ هه‌ینی پۆلیسی به‌غدا باندێكی ساخته‌كاری به‌تۆمه‌تی دروستكردنی ماسكی ئه‌لیكترۆنی و فرۆشتنه‌وه‌ی به قوتابییانی پۆلی 12ی ئاماده‌یی قۆڵبه‌ستكرد.
له‌مباره‌یه‌وه پۆلیسی ڕه‌سافه‌ی به‌غداد له ڕاگه‌ێندراوێكدا ڕِایگه‌یاند: ئه‌مڕۆ هه‌ینی به‌هاوكاری به‌ڕێوه‌به‌رایه‌تی نه‌هێشتنی تاوانی به‌غداد دوو كه‌س به‌تۆمه‌تی فرۆشتنی ماسكی ئه‌لیكترۆنی به قوتابیانی پۆلی 12ی ئاماده‌یی ده‌ستگیركران.
ڕاشیگه‌یاند: ماسكه‌كان بۆ مه‌به‌ستی گزیكردن (قۆپیه) له لایه‌ن قوتابییانی پۆلی 12ی ئاماده‌ییه‌وه به‌كار هێنراون و نرخی هه‌ر ماسكێكیش 1500 دۆلاری ئه‌مریكی بووه.
سه‌رچاوه‌یه‌ك له‌وه‌زاره‌تی په‌روه‌رده‌ی عێراق له‌باره‌ی ماسكه ئه‌لیكترۆنییه‌كانه‌وه به میدیكانی ڕایگه‌یاند: هه‌ر قوتابییه‌ك ئه‌و ماسكه‌ی كڕیبێت و به‌كاریهێنابێت ته‌واوی ساڵه‌كه‌ی به‌كه‌وتوو بۆ هه‌ژمار ده‌كرێت و ئه‌مساڵی خوێندنی به‌فیڕۆ ده‌ڕوات.
فەرمان عەلی
کۆمێنت (0)
تا ئێستا هیچ کۆمێنتێک نەکراوە.