رۆژنامه‌ی سه‌باحی نیمچه فه‌رمی ئه‌مڕۆ شه‌ممه ئاشكرای كردووه له‌حاڵه‌تێكی ده‌گمه‌ندا كه یه‌كه‌مین جاره له عێراق رووده‌دات، ئه‌وه‌یه كه ئه‌وانه‌ی تووشی كۆرۆنا بوون و چاكبوونه‌ته‌وه، جارێكی دیكه تووشی ڤایرۆسه‌كه بوونه‌ته‌وه،كه‌ئه‌مه‌ش پێشتر ته‌نها له هۆنگ كۆنگ تۆماركراوه.
رۆژنامه‌كه ده‌ڵێت: له‌عێراق چه‌ند كه‌سێك جارێكی تووشی په‌تاكه بوونه‌ته‌وه،دوای ئه‌وه‌ی كه له په‌تاكه چاك بوونه‌ته‌وه.
رۆژنامه‌كه له سەر زاری سه‌رچاوه‌یه‌كی پزیشكی نه‌خۆشخانه‌یه‌ك گواستویه‌تییه‌وه كه یه‌كێك له‌وانه‌ی كه كاری له‌و نه‌خۆشخانه‌یه كردووه، خۆی و دایكی و منداڵه‌كانی جارێكی دیكە تووشی ڤایرۆسی كۆرۆنا بوونه‌ته‌وه، دوای ئەوەی له‌ماوه‌ی رابردوودا چاك بوونه‌ته‌وه.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.