دکتۆر خالس ئەحمەد ،بەڕێوەبەرى گشتى دیوان لە وەزارەتى تەندروستى هەرێمى کوردستان ئەمڕۆ بە کوردستان تى ڤى ڕاگەیاند و گوتى : سوپاس بۆ خودا ئێستا ژمارەى تووشبووان لە هەولێر ڕوو لە کەم بوونەوەیە و هەروەها ئەوەى زیاتر مایەى دڵ خۆشییە ژمارەى ئەو کەسانەى چاک دەبنەوە زیاترە لەوانەى کە تووش دەبن .
گوتیشی: لە هەولێربارودۆخەکە ڕۆژ بە ڕۆژ بەرەو باشی دەچێت ، بەڵام نەگەیشتۆتە ئەو ئاستەى کە بگوترێت کۆنتڕۆڵە، هێشتاش پێویستى بە هاوکارى و خۆپارێزى هاووڵاتى هەیە .
لەلایەکی دیکەشەوە دکتۆر دلۆڤان محەمەد ،بەڕێوەبەرى گشتى تەندروستى هەولێر ڕایگەیاندووە ،کە ڕێژەى تووشبووان بە ڤایرۆسی کۆرۆنا ڕوو لە کةمبوونەوەیەو هاوکات ئاماژە بەوەش دەکات کە حاڵی حازر لە هەولێر 100 تووش بوو باری تەندروستیان ناجێگیرەو 40 تووشبوو- شيان لە ژێرچاودیری چڕدان.
فەرمان عەلی/ هەولێر
کۆمێنت (0)
تا ئێستا هیچ کۆمێنتێک نەکراوە.