ژماره‌ی تووشبووانی ڤایرۆسی كۆرۆنای نوێ كه له شاری وهان سەربە ویلایه‌تی هوبی رۆژهەڵاتی چین سه‌ری هه‌ڵدا و دواتر هه‌موو جیهانی ته‌نیووه، ٢٧ ملیۆن و ٦٩ هه‌زار و ٧٢٦ كه‌سی تێپه‌ڕاندووه.
ماڵپه‌ڕی Worldometer كه رۆژانه له‌باره‌ی پێشهاته‌كانی په‌یوه‌ندیدار به كۆرۆنا له سه‌رتاسه‌ری جیهان زانیارییه‌كانی نوێ ده‌كاته‌وه رایگه‌یاند، تا ئێستا ٨٨٣ هه‌زار و ٧٧١ تووشبوو گیانیان له‌ده‌ستداوه و ژماره‌ی تووشبووانیش بۆ ٢٧ ملیۆن و ٦٩ هه‌زار و ٧٢٦ كه‌س به‌رز بووه‌ته‌وه.
تا ئێستا ١٩ ملیۆن و ١٧٠ هه‌زار و ٢٩٩ تووشبوو چاكبوونه‌ته‌وه و حه‌وت ملیۆن و ١٥ هه‌زار و ٦٥٦ تووشبووش چاره‌سه‌ری پزیشكی وه‌رده‌گرن.
کۆمێنت (0)
تا ئێستا هیچ کۆمێنتێک نەکراوە.