بۆمبه‌ باڵداره‌کان

"بۆمبه‌ باڵداره‌كان".. كاتێك بریتانیا رێگری كرد له‌م بۆمبه‌ دڕنده‌یه‌ به‌ بیرۆكه‌یه‌كی بێهاوتا و مێژوویی

له‌ ساڵی 1944 و له‌ میانی جه‌نگی دووه‌می جیهانی كاتێك ئه‌ڵمانییه‌كان په‌ره‌یان دا به‌ بۆمبی تۆقێنه‌ر "V1"ی باڵدار فڕۆكه‌وانه‌كانی هێزی ئاسمانیی بریتانیا سه‌ركه‌وتنێكی بێهاوتایان تۆمار كرد له‌ پاڵه‌وانێتی.

بۆمبی وێرانكه‌ری ئه‌و كاتی ئه‌ڵمانییه‌كان "V1" به‌ رێژه‌یه‌ك له‌ سووته‌مه‌نی باش پڕ ده‌كرا كه‌ پێویستی پێی بوو له‌پێناو گه‌یشتن به‌ شوێن و ئامانجی دیاریكراو، كاتێك سووته‌مه‌نییه‌كه‌ی ته‌واو ده‌بوو ده‌كه‌وته‌ خواره‌وه‌ و ئامانجه‌كه‌ی خۆی ده‌پێكا و زیانی گیانی و ماددی زۆری لێ ده‌كه‌وته‌وه‌.

به‌ڵام هێزی ئاسمانیی بریتانیا توانی كۆدی ئه‌م بۆمبه‌ دڕندانه بكاته‌وه‌ و خاڵی لاوازی ئه‌م بۆمبه‌ باڵداره‌ بدۆزێته‌وه‌، كاتێك بۆمبه‌كه‌ ده‌گه‌یشته‌ نزیك سنووری ئاسمانی بریتانیا فڕۆكه‌وانه‌ بریتانییه‌كان ده‌ستیان ده‌كرد به‌ فڕین بۆ رێگرتن له‌و بۆمبانه‌ و ته‌واو لێی نزیك ده‌بوونه‌وه‌ و به‌ نووكی سه‌رباڵی فڕۆكه‌كه‌ له‌ بۆمبه‌ باڵداره‌كه‌یان ده‌دا ده‌ستبه‌جێ ئه‌و بۆمبه‌ رێوڕه‌وه‌ی خۆی ده‌گۆڕی، به‌مه‌ش بریتانییه‌كان توانییان رێگری بكه‌ن له‌و بۆمبه‌ دڕندانه‌ و كاتێك لێیان ده‌دا به‌ باڵی فڕۆكه‌كه‌ كۆنتڕۆڵی له‌ ده‌ست ده‌دا و ده‌كه‌وته‌ خواره‌وه‌ به‌ر له‌وه‌ی بگاته‌ شوێنی مه‌به‌ستی خۆی.

دواتر "به‌ربه‌سته‌ په‌ڕه‌شووته‌وانه‌كان" هاتنه‌ پاڵ ئه‌م پلانه‌، ئه‌ویش له‌رێگه‌ی شۆڕكردنه‌وه‌ی سیمێكی پۆڵایین و كێشانی به‌ ژێره‌وه‌ی بۆمبه‌كه‌ و ته‌قاندنه‌وه‌یان یه‌ك له‌دوای یه‌ك و خستنه‌خواره‌وه‌یان له‌ شوێنێكی دیاریكراو.

ژێده‌ر: Kurdistan CT