وەزارەتی کار و کاروباری کۆمەڵایەتی، بڕیاریدا بە کردنەوەی سەردانکردنی ڕاسەوخۆیی کەسوکاری زیندانییان بۆ زیندانەکان بەو مەرجەی لە سێ کەس زیاتر نه‌بێت.
له راگه‌یه‌ندراوێكی وەزارەتی کار و کاروباری کۆمەڵایەتیدا هاتووه، دوای ڕاگرتنی نزیکەی شه‌ش مانگ لە سەردانی کردنی کەس و کاری بەندکراوان لە چاکسازیەکانی هەرێمی کوردستان بۆ لای بەندکراوەکانیان ئەمرۆ سێ شەممە ڕێكکەوتی 2020/9/8 بە فەرمی سەردانیکردن بۆ کەس و کاری بەندکراوەکان کرایەوە، بەپێی ئەو ڕینماییانەی کە لە لایەن وەزارەتی کارەوە دەرکراون بۆیان و بە پابەندبوون بە ڕێنماییە تەندروستیەکانەوە.
شایانی باسە ڕۆژانە 100 بەندکراو دەتوانن کەس و کاریان سەردانیان بکەن و بۆ هەر بەند کراوێک سێ کەس ڕێگە پێدراوە بێتەلای بەمەرجی پابەندبوون بە ڕێنماییە تەندروستیەکان بە بەستنی ماسک و دەستکێش .
کۆمێنت (0)
تا ئێستا هیچ کۆمێنتێک نەکراوە.