به‌هۆی بڵاوبوونه‌وه‌ی ژماره‌یه‌كی زۆر له‌هه‌واڵی نادروست له‌باره‌ی ڤایرۆسی كۆرۆنا، فه‌یسبووك ده‌ستی به‌كۆنترۆڵكردنی هه‌واڵه‌كان كرد و له‌و هه‌ڵمه‌ته‌دا حه‌وت ملیۆن هه‌واڵی نادروستی سڕییه‌وه و له‌ناوی برد.
له راگه‌یێندراوێكیدا كۆمپانیای فه‌یسبووك رایگه‌یاند "له‌ماوه‌ی بڵاوبوونه‌وه‌ی ڤایرۆسی كۆرۆنا ملیۆنان هه‌واڵی نادروست و چه‌ندان بابه‌تی زێده‌ڕۆ و مه‌ترسیدار كه‌هیچ زانستی نه‌بوون له‌رێی ماڵپه‌ڕ و په‌یجه‌كانی فه‌یسبووكه‌وه‌بڵاو كراونه‌ته‌وه، بۆیه‌ده‌ستمان به‌هه‌ڵمه‌تی سڕینه‌وه‌ی هه‌واڵه‌كان كردووه و له ئێستادا چه‌ندین هاواڵ و بابه‌تی نادرووستمان سه‌باره‌ت به كۆرۆنا سڕیوه‌ته‌وه".
له‌ئه‌نجامی ئه‌و هه‌ڵمه‌ته‌توانیویانه‌له‌ماوه‌ی مانگی نیسان تا مانگی حوزه‌یران، حه‌وت ملیۆن هه‌واڵ و پۆستی نادروست كه‌له‌باره‌ی ڤایرۆسه‌كه‌وه‌بڵاو كراونه‌ته‌وه بسڕنه‌وه و له‌گه‌ڵ ئه‌وه‌شدا كۆمپانیاكه‌له‌باره‌ی 98 ملیۆن هه‌واڵی تر ئاگاداری به‌خاوه‌نه‌كانیان داوه‌كه‌به‌وردتر هه‌واڵه‌كان بڵاو بكه‌نه‌وه، به‌پێی راگه‌یه‌ندراوی خۆیان ئه‌م هه‌واڵانه‌بۆیه‌ناسڕێنه‌وه‌چونكه‌نادروست نین، به‌ڵكو هه‌ڵه‌یان تێدایه‌و ده‌بێت چاك بكرێن.
ژێده‌ر: زاری كرمانجی
کۆمێنت (0)
تا ئێستا هیچ کۆمێنتێک نەکراوە.