سه‌رپه‌رشتێ چاره‌سه‌ركرنا نه‌خۆشێن كۆرۆنایێ ل پارێزگه‌ها دهۆكێ دیاركركو ئێك ژ ئه‌گه‌رێن سه‌ره‌كی یێن گیان ژده‌ستدانا تووشبوویێن كۆرۆنایێ ژبه‌ر ژ كاركه‌تنا سیهانه.
د. موئه‌یه‌د ئه‌غالی، سه‌رپه‌رشتێ چاره‌سه‌ركرنا نه‌خۆشێن كۆرۆنایێ ل پارێزگه‌ها دهۆكێ دیاركر كو بۆ تووشبوویێن كۆرۆنایێ گه‌له‌ك سه‌ربارك دروست دبن و هنده‌ك تووشبوویێن كۆرۆنایێ هه‌نه سینگێ وان تێكدچیت و ژ كاركه‌تنا سیهان بۆ تووشبوویان دروست دبیت، ئه‌ڤه ئه‌گه‌رێ سه‌ره‌كی یێ گیان ژده‌ستدانا تووشبوویێن كۆرۆنایێ یه ل پارێزگه‌ها دهۆكێ و گۆت: سینگێ تووشبوویان كار ناكه‌ت دئه‌نجامدا دمرن ئه‌ڤه ئێكه ژ ئه‌گه‌رێن سه‌ره‌كیی یێن مرنا تووشبوویان ژ به‌ر نه‌خۆشیا كۆرۆنایێ".
ناڤهاتی ئه‌وژی ئاشكرا كركو نۆكه ل دهۆكێ تووشبوویێن كۆرۆنایێ دناڤ سێ نه‌خۆشخانه‌یان دا دهێنه چاره‌سه‌ركرن ئه‌وژی نه‌خۆشخانا ئازادی و نه‌خۆشخانا لالاڤ و نه‌خۆشخانا كۆرۆنایێ دڤان هه‌ر سێ نه‌خۆشخانه‌یێن دهۆكێ 160 تووشبوویێن كۆرۆنایێ چاره‌سه‌ریێ وه‌ردگرن و ره‌وشا هه‌موویان باش نینه ژوانا ژی 62 تووشبوویێن كۆرۆنایێ دناڤ ره‌وشه‌كا مه‌ترسیدار و دژوار دانه یێن دێتر ژی ناڤنجی ل سه‌ر دژوارن بۆ گه‌له‌ك تووشبوویان ئامیرێ هه‌ناسه‌دانا ده‌ستكرد یێ هاتیه بكارئێنان ژبه‌ر خرابیا ره‌وشا وان. ل پارێزگه‌ها دهۆكێ هه‌تا نۆكه 130347 پشكنینێن كۆرۆنایێ یێن هاتینه ئه‌نجامدان و 7276 تووشبوویێن كۆرۆنایێ یێن هاتینه تۆماركرن و دوو هزار و423 تووشبوویێن كۆرۆنایێ یێن هاتینه چاره‌سه‌ركرن نۆكه 4748 تووشبوویێن كۆرۆنایێ ژێر چاره‌سه‌ریێ دا ماینه و 105 تووشبوویێن كۆرۆنایێ گیانێ خۆ ژده‌ستداینه.
کۆمێنت (0)
تا ئێستا هیچ کۆمێنتێک نەکراوە.