باره‌گای بارزانی سه‌ره‌خۆشی له‌ فه‌یسه‌ڵ ده‌باغ ده‌کات

به‌ناوی خودای به‌خشنده‌ و میهره‌بان

به‌ڕێز، کاک فه‌یسه‌ڵ ده‌باغ،
به‌دڵگرانیه‌کی زۆره‌وه‌ هه‌واڵی کۆچی دوایی پێشمه‌رگه‌ی شۆڕشی ئه‌یلوول و که‌سایه‌تی دیاری شاری هه‌ولێر(حاجی نوره‌دین عه‌بدولره‌زاق ده‌باغ)ی باوکی به‌ڕێزتانمان پێگه‌یشت.

به‌م بۆنه‌ خه‌مناکه‌وه‌ پرسه‌ و سه‌ره‌خۆشی له‌ به‌ڕێزتان و خانه‌واده‌ نیشتیمانپه‌روه‌ره‌که‌تان ده‌که‌ین، خۆمان به‌ هاوبه‌شی خه‌متان ده‌زانین.

له‌ خودای دلۆڤان داواکارین گیانی باوکی کۆچکردووتان به‌ر ره‌حمه‌تی خۆی بخات و به‌ به‌هه‌شتی به‌رینی خۆی شاد بکات، ئۆقره‌یی و ئارامی به‌ ئێوه‌ و که‌سوکارتان ببه‌خشێت.

انا للە وانا الیە راجعون

بارەگای بارزانی