پێنج لە تۆمەتبارانی رووداوەکەی ناحیەی تەکیەی کاکەمەند خۆیان رادەستی یاسا کرد

قایمقامی قەزای چەمچەماڵ رایگەیاند: ئەمڕۆ دووشەممە، پێنج لە تۆمەتبارانی رووداوەکەی رۆژی (5)ی ئەم مانگەی ناحیەی تەکیەی کاکەمەند خۆیان رادەستی یاسا کرد.

رەمەك رەمەزان قایمقامی قەزای چەمچەماڵ رایگەیاند:  ئەمڕۆ دووشه‌ممه‌ 14-9-2020، پێنج كەس لە تۆمەتبارانی رووداوەكەی تەكیەی كاكەمەند، خۆیان رادەستی یاسا كرد. 

قایمقامی قەزای چەمچەماڵ داوا لە هاوڵاتیان دەکات بۆ چارەسەری کێشەکانیان پەنا ببەنە بەر یاسا و بەپێی یاسا ماف بۆ خاوەنی دەگەڕێنرێتەوە.

شایه‌نی باسه‌ شه‌وی 5 له‌سه‌ر 6ی ئه‌م مانگه‌ بەهۆی تەقەكردن لە ناحیەی تەكیەی سەر بە قەزای چەمچەماڵ سێ كەس كوژران و دوانی دیكەش بریندار بوون، پێنج كەس لە تۆمەتبارانی رووداوەكە خۆیان رادەستی یاسا كرد.