رێڤه‌به‌رێ نه‌خۆشخانا لالاڤ یا كۆرۆنایێ ل دهۆكێ راگه‌هاند كو رێژا ئوكسجینێ ناڤ خوینا تووشبوویێ كۆرۆنایێ دا پێدڤیه دسه‌ر 90 دا بیت و كێمتر نه‌بیت، لێ نۆكه ل دهۆكێ هنده‌ك تووشبوویێن كۆرۆنایێ هه‌نه ئوكسجینێ وان دهێته بن 70 یێ را ئه‌ڤه نه‌یا باشه بۆ تووشبوویێ كۆرۆنایێ و هه‌ر تووشبوویه‌كێ كۆرۆنایێ ل مال چاره‌سه‌ریێ وه‌ربگریت هه‌كه ئوكسجینا وی كێم بیت پێدڤیه قه‌ستا نه‌خۆشخانێ بكه‌ت.
د. به‌یره‌یم داوود، رێڤه‌به‌رێ نه‌خۆشخانا لالاڤ یا كۆرۆنایێ ل دهۆكێ دیاركركو نۆكه كێشه‌یا ئوكسجینێ نینه بۆ هه‌موو ژوورێن نه‌خۆشخانێ ئوكسجین هاتیه دابینكرن، ب تنێ ئه‌و تووشبوویێن كۆرۆنایێ یێن پێدڤى ئوكسجینێ بن ل نه‌خۆشخانێ دهێنه وه‌رگرتن هه‌تا 34 تووشبوویێن كۆرۆنایێ یێن ره‌وشا وان نه‌باش دناڤ نه‌خۆشخانا لالاڤ یا كۆرۆنایێ دا ل دهۆكێ دهێنه چاره‌سه‌ركرن ئه‌و بخۆ ئه‌م دشێین هه‌تا 125 تووشبوویان وه‌ربگرن جهێ ڤێ ژمارا ته‌ختان د نه‌خۆشخانێ دا هه‌یه، لێ نۆكه ب تنێ ئه‌و تووشبوویێن ره‌وشا وان نه‌باش دهێنه وه‌رگرتن".
ئاشكرا كركوهه‌موو جۆرێن پشكنینا ل نه‌خۆشخانا لالاڤ بۆ تووشبوویێن كۆرۆنایێ دهێنه ئه‌نجامدان وتیشك بۆ سینگێ تووشبوویێن كۆرۆنایێ دهێته گرتن وئوكسجینێ به‌رده‌وام هاتیه دابینكرن بۆ تووشبوویێن كۆرۆنایێ". زێده‌تر گۆت: هه‌كه ره‌وشا تووشبوویه‌كێ كۆرۆنایێ گه‌له‌ك دژوار و مه‌ترسیدار بیت وپێدڤی ئامیرێ هه‌ناسه‌دانا ده‌ستكرد بیت ئه‌م بۆ نه‌خۆشخانا ئازادی ل دهۆكێ ره‌وانه دكه‌ین و پلان هه‌یه چاڤدێریا چر ل نه‌خۆشخانا لالاڤ یا كۆرۆنایێ بهێته زێده‌كرن ئه‌م چاڤه‌رێ ینه ئامیره بۆ مه بهێن داكو چاڤدێریا چر ژى بكه‌فته خزمه‌تا تووشبوویێن كۆرۆنایێ دا".
کۆمێنت (0)
تا ئێستا هیچ کۆمێنتێک نەکراوە.