جارید كۆشنه‌ر، راوێژكارو زاوای سه‌رۆكی ئه‌مریكا له لێدوانێكیدا بۆ تۆڕی سی ئێن ئێن گوتی: له‌ساڵانی رابردوودا گۆڕانكاری گه‌وره له سعوودیه روویداوه‌و سه‌رۆك تره‌مپ كاری بۆ نزیك بوونه‌وه‌ی شا سه‌لمان كردووه،چونكه هه‌ڕه‌شه‌یه‌كی هاوبه‌شمان له‌لایه‌ن ئێرانه‌وه هه‌یه.
هه‌روه‌ها جارید كۆشنه‌ر گوتی: ئێمه پێمان وایه دروستبوونی رۆژهه‌ڵاتی ناوه‌ڕاستی نوێ ده‌بینین و تره‌مپیش دوای وه‌رگرتنی پۆستی سه‌رۆكایه‌تی ئه‌مریكا و له‌میانه‌ی سه‌ردانه‌كه‌ی بۆ ریاز، بۆچوونی خۆی له‌مباره‌یه‌وه ده‌ربڕیوه.
هه‌روه‌ها راوێژكاری تره‌مپ گوتیشی: ئه‌مه‌ی له رۆژهه‌ڵاتی ناوه‌ڕاست روویدا به شێوه‌یه‌كی باش پێشوازی لێ كراو ئه‌مه‌ش وایكرد كه وڵاتی به‌حرێن به‌په‌له بێته نێو پڕۆسه‌كه‌وه.
شایانی باسه دوێنێ رێككه‌وتنی ئاشتی له‌نێوان ئیمارات و به‌حرێن و ئیسرائیل واژۆكراو له‌مباره‌یه‌شه‌وه دۆناڵد تره‌مپ،سه‌رۆكی ئه‌مریكا بۆ رۆژنامه‌نووسان قسه‌ی كردو گوتی: پێم وایه شانشینی عه‌ره‌بی سعوودیه، به‌مزووانه دێته نێو پرۆسه‌ی ئاشتی.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.