دادگاى دادى ئەورووپا، بریارى لەسەر ئەوە دا كە یارزانى یانەى بەرشلۆنەى ئیسپانى و هەڵبژاردەى ئەرژەنتین لیۆنێل میسى، دەتوانیت ناوى وەكو براندێك تۆماربكات.
دادگاى دادى ئەورووپا كە ناوەندەكەى لە لۆكسمبۆرگە و بەرزترین دادگاى یەكێتى ئەورووپایە، بڕیارى لەسەر ئەو داوایە دا كە نووسینگەى خاوەندارێتى فیكریى ئەورووپا و كۆمپانیاى ئیسپانى لە بەرامبەر میسى كە ئەمساڵ لە رێزبەندى پڕداهاتترین یاریزانانى تۆپى پێیە بەرزیانكردووەتەوە.
دادگا، بڕیارى لەسەر ئەوە دا كە یاریزانى تۆپى پێ مێسى دەتوانێت براندى دروستكردنى پێداویستى وەرزشى و جل و بەرگ بەناوى "میسى" تۆماربكات.
بڕیارەكە، ئەوەشى راگەیاند كە میسى یاریزانێكى تۆپى پێى جیهانییە و بەو ناوە ناسراوە، ئەو كەسەى كە ناسراوە مافى ئەوەى هەیە كە براند بەناوى خۆى تۆماربكات.
دادگا، تانەكانى نووسینگەى خاوەندارێتى فیكریى ئەورووپا و كۆمپانیاى ئیسپانى رەتكردەوە.
لە ساڵى ٢٠١١وە كێشەى تۆماركردنى براند و لۆگۆ لە نێوان نووسینگەى خاوەندارێتى فیكریى ئەورووپا و كۆمپانیاى ماسسى ئیسپانى كە ناوەكەى هاوشێوەى میسى-یە بەردەوامە.
کۆمێنت (0)
تا ئێستا هیچ کۆمێنتێک نەکراوە.