له میانه‌ی به‌شداریكردنی له به‌رنامه‌ی رۆژه‌ڤی كوردستان سه‌باره‌ت به کاریگەری و لێکەوتەکانی نزیکبوونەوەی ئیسرائیل و وڵاتانی عه‌ره‌بی بۆ سه‌ر رۆژهه‌ڵاتی ناوه‌راست و ناوچه‌كه د. نـەوزاد عـەبـدولڵا ـ مامۆسـتای زانـکـۆ رایگه‌یاند
له كاتی رێككه‌وتنه‌كانی پێشووی نێوان ئیسرائیل و میسر هه‌روه‌ها ئیسرائیل و ئوردن زۆر كاریگه‌ری و ره‌نگدانه‌وه‌ی باشی له‌گه‌ڵ خۆ نه‌هێنا واتا له چوارچێوه‌یه‌كی داخراو و سنووردار مایه‌وه .
به‌ڵام ئه‌مجاره به هه‌وڵی دۆناڵد ترامپ سه‌رۆكی ئه‌مه‌ریكا توانرا رێككه‌وتنێكی ستراتیژی له نێوان ئیمارات و به‌حره‌ین واژوو بكرێت ، ئه‌وه‌ش وایكرد كه په‌یوه‌ندیه‌كانی ئیسرائیل و ئه‌و وڵاتانه دروست بێت و هه‌ژموونی ئێران و توركیا تا راده‌یه‌كی زۆر له ناوچه‌كه كه‌م ده‌بێته‌وه ، هه‌روه‌ها ئه‌و رێككه‌وتنه‌ش وا ده‌كات هاوپه‌یمانی نوێ له ناوچه‌كه بێته ئاراوه . ئه‌وه‌ش وا ده‌كات له كاتی كشانه‌وه‌ی هێزه‌كانی ئه‌مه‌ریكاش له ناوچه‌كه نه‌بێته هۆی ئه‌وه‌ی بۆشاییه‌ك دروست بێت له ناوچه‌كه و رۆلی ئه‌مه‌ریكا له ناوچه‌كه كه‌م ناكاته‌وه .
سه‌باره‌ت به كاریگه‌ری ئه‌و پرۆسه‌یه‌ی لێكنزیكبوونه‌وه‌و رێككه‌وتنی وڵاتانی عه‌ره‌بی و ئیسرائیل له سه‌ر كورد به تایبه‌تی به‌رای د. نـەوزاد عـەبـدولڵا ـ مامۆسـتای زانـکـۆ ، پێگه‌ی كوردستان به‌هێز ده‌بێت و كاریگه‌ری ئه‌و رێككه‌وتنه‌ی نێوان وڵاتانی عه‌ره‌بی و ئیسرائیل به شێوه‌یه‌كی نه‌رێنی كار ناكاته سه‌ر كورد
هه‌روه‌ها كاریگه‌ری نه‌رێنی ناكاته سه‌ر ئاسایشی نه‌ته‌وه‌یی ئه‌و وڵاته عه‌ره‌بیانه ، به‌ڵكو به‌ره‌یه‌كی هاوبه‌ش له نێوان عه‌ره‌ب و ئیسرائیل و ئه‌مه‌ریكا دروست ده‌بێت ئه‌وه‌ش وا ده‌كات هه‌ژموونی ئێران و توركیا و رۆژئاوا كه‌م ده‌بێته‌وه و روو له لاواز بوون ده‌كات.
سه‌باره‌ت ئایا رۆڵی عێراق و هه‌ڵوێستی عێراق له سه‌ر ئه‌و نزیكبوونه‌وه‌یه‌و ئه‌و رێككه‌وتنه چۆن ده‌بێت د. نـەوزاد عـەبـدولڵا ـ مامۆسـتای زانـکـۆ ئاماژه‌ی به‌وه دا كه عێراق ناتوانی پالپشتی ئه‌و پرۆسه‌یه بكات تا هه‌ژموونی ئێران له عێراق بوونی هه‌بێت ، به‌ڵام مه‌رج نیه عێراق دژایه‌تی وڵاتانی عه‌ره‌بی و پرۆسه‌كه بكات ، باشترین به‌دیل بۆ عێراق ئه‌وه‌یه كه باڵانسی په‌یوه‌ندیه‌كان رابگرێت .
کۆمێنت (0)
تا ئێستا هیچ کۆمێنتێک نەکراوە.