لیژنه‌ی باڵای ته‌ندروستیی و سه‌لامه‌تی نیشتمانیی عێراق بڕیاریدا به گرتنه‌به‌ری رێوشوێنه‌كانی خۆپارێزیی له بڵاوبوونه‌وه‌ی ڤایرۆسی كۆرۆنای نوێ (COVID-19)، سه‌رله‌نوێ مزگه‌وته‌كان و پارك و شاری یارییه‌كان بكرێنه‌وه كه له مانگی ئاداری رابردووه به‌هۆی بڵاوبوونه‌وه‌ی ئه‌و ڤایرۆسه‌وه، داخرابوون.
كه‌ناڵی نیمچه فه‌رمی عێراقییه بڵاویكرده‌وه، لیژنه‌ی باڵای ته‌ندروستیی و سه‌لامه‌تی نیشتمانیی عێراق ژماره‌یه‌ك بڕیاری سه‌باره‌ت به كردنه‌وه‌ی مزگه‌وته‌كان و پارك و شاری یارییه‌كان له عێراق ده‌ركردووه.
ئاماژه به‌وه‌دراوه كه لیژنه‌ی باڵای ته‌ندروستیی و سه‌لامه‌تی نیشتمانیی عێراق بڕیاریداوه كه رێگه به سه‌ردانیكردنی هاووڵاتی هیچ وڵاتێكی جیهان بۆ عێراق نادرێت و هه‌روه‌ها به‌گرتنه‌به‌ری رێوشوێنه‌كانی خۆپارێزیی و دووره‌په‌رێزیی كۆمه‌ڵایه‌تی، سه‌رله‌نوێ مزگه‌وته‌كان به‌ڕووی نوێژخوێناندا بكرێته‌وه.
لیژنه‌كه بڕیاریشیداوه، هه‌ر له‌چواچێوه‌ی به‌گرتنه‌به‌ری رێوشوێنه‌كانی خۆپارێزیی و دووپه‌رێزی كۆمه‌ڵایه‌تی، سه‌رله‌نوێ پارك و شاری یارییه‌كان بكرێنه‌وه.
راشیگه‌یاندووه، عێراق به‌رده‌وامه له هاوبه‌شیی له‌گه‌ڵ چین و ئیمارات بۆ په‌ره‌پێدان به پێكوته‌كه‌ی چین دژبه كۆرۆنا بۆ ئه‌وه‌ی سوودی لێ ببیندرێت.
کۆمێنت (0)
تا ئێستا هیچ کۆمێنتێک نەکراوە.