پۆلیسی زیقار سه‌باره‌ت به هاتنی هێزێكی دژه تیرۆری عێراق بۆ پارێزگاكه روونكردنه‌وه‌یه‌كی بڵاوكرده‌وه.
فه‌رمانده‌یی پۆلیسی زیقار ئه‌مڕۆ سێشه‌ممه روونكردنه‌وه‌یه‌كی سه‌باره‌ت به گه‌یشتنی هێزه‌كانی دژه تیرۆر راگه‌یاندو ده‌ڵێت: هاتنی ئه‌و هێزه بۆ ئازادكردنی سجاد عێراق ،چالاكوانی رفێندراوه.
هه‌روه‌ها پۆلیسی زیقار له راگه‌یه‌نراوه‌كه‌یدا ده‌ڵێت: دوای رفاندنی چالاكوان سجاد عێراق، حكومه‌تی ناوه‌ندی عێراق هێزیك له فیرقه‌ی ئاڵتۆنیی ره‌وانه‌ی پارێزگای زیقار كردووه ،بۆ ئه‌وه‌ی رێوشوێنی ئه‌منی پێویست له‌و باره‌یه‌وه بگرنه به‌ر.
پۆلیسی زیقار ده‌شڵێت: ئه‌و هێزه له ده‌ره‌وه‌ی پارێزگای زیقار هاتوون و به‌كارێكی فه‌رمی راسپێردراون و زانیارییان له‌باره‌ی كه‌سایه‌تییه‌كانی پارێزگاكه نییه.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.