وەزارەتی تەندروستی عێراق رایگەیاند: 4 هەزار و 270 تووشبووی نوێی کۆرۆنا تۆمارکراون و 68 تووشبووش گیانیان لەدەستدا.
ئەمڕۆ شەممە 2020/9/26 وەزارەتی تەندروستی و ژینگەی عێراق ئاماری 24 كاتژمێری كۆرۆنای بڵاوكرده‌وه رایگه‌یاند: 68 كەسی دیكە بەهۆی ڤایرۆسی كۆرۆنا، گیانیان لەدەستدا و چوار هەزار و 270 كەسی دیكەیش تووشی ڤایرۆسی كۆرۆنا بوون.
وەزارەتی تەندروستی و ژینگەی عێراق رایگه‌یاند: له‌م ماوه‌یه‌دا سێ هەزار و 652 تووشبووی دیكەی ڤایرۆسی كۆرۆنا، چاكبوونەتەوە، نه‌خۆشخانه‌یان جێهێشتووه.
بەپێی ئامارەکەی وه‌زاره‌تی ته‌ندروستی (68) تووشبووی ڤایرۆسی كۆرۆنا گیانیان لەدەستداوە.
له دواین ئاماری وه‌زاره‌تی ته‌ندروستیدا هاتووه، تائێستا لە عێراق 345 هەزار و 969 کەس تووشی کۆرۆنا بوون، لەو ژمارەیەش 276 هەزارو 918 کەس چاکبوونەتەوە و 8 هەزار و 935 تووشبووش گیانیان لەدەستداوە.
کۆمێنت (0)
تا ئێستا هیچ کۆمێنتێک نەکراوە.