له میانه‌ی به‌شداریكردن له به‌رنامه‌ی رۆژه‌ڤی كوردستان سه‌باره‌ت به رەوشی ناسەقامگیری عێراق و پرسی هەڵبژاردن د.مەیادە نەجار / ئەندامی پەرلەمانی عێراق لە فراکسیۆنی پ.د.ک رایگه‌یاند
دانیشتنی ئه‌مرۆی ئه‌نجومه‌نی نوێنه‌ران كه تایبه‌ت بوو به یاسای هه‌لبژاردن و به بازنه‌كانی هه‌لبژاردن ، لایه‌نه‌كان نه‌گه‌یشتن به هیچ ئه‌نجامێك له سه‌ر ورده‌كارییه‌كانی ئه‌و یاسایه كه پێشتر لایه‌نه شیعیه‌كان ئه‌و یاسایه‌یان تێپه‌راند
روونیشیكرده‌وه كه ئه‌و یاسایه كێشه‌و گرفتی زۆر تێدایه له رووی سیاسی و ماددی و هونه‌ری و یاسایی ، هه‌روه‌ها یه‌كێك له كیشه‌كان ناشاره‌زانی كۆمسیۆنه له سه‌ر ئه‌و یاسایه .
راشیگه‌یاند : پێویسته له سه‌ر ئه‌و یاسایه بوه‌ستین و عه‌داله‌تی كۆمه‌ڵایه‌تی تیایدا ده‌سته‌به‌ر بكرێت .
ئاماژه‌شیدا كه ئه‌مرۆ سه‌رۆكی لێژنه‌ی یاسایی راپۆرتێكی تێرو ته‌سه‌لی ئاماده كرد پێشكه‌شی سه‌رۆكایه‌تی ئه‌نجومه‌ن كرد پاش كۆبوونه‌وه‌یه‌كی دوورودرێژ ، كه یه‌كێك له خاله گرنگه‌كانی راپۆرته‌كه دادپه‌روه‌ری كۆمه‌ڵایه‌تی له یاساكه هه‌بێت ، هه‌روه‌ها له هه‌موو پارێزگاكانی عێراق بازنه‌كانی هه‌لبژاردن وه‌كو یه‌ك بێت .
دانیشتن له سه‌ر ئه‌و یاسایه به‌رده‌وام ده‌بێت و سبه‌ی دانیشتێكی دیكه هه‌یه له سه‌ر هه‌مان یاسا تا 10ی 10 ده‌بێت ئه‌و كیشه‌یه واتا یاساكه‌و ورده‌كارییه‌كانی چاره‌سه‌ر بكرێت وله كۆتاییدا بازنه‌كانی هه‌ڵبژاردن خزمه‌ت به كۆمه‌ڵگه بكات .
كاتی خۆی لایه‌نه كوردستانیه‌كان ده‌نگیان له سه‌ر ئه‌و پرۆژه یاسایه نه‌دا ، چونكه ئه‌و یاسایه له ژێر فشار دروست بوو و به سه‌قه‌تی له دایك بووه .
ره‌وشی عێراق گه‌نده‌لیه‌كی زۆری تیایه و هه‌ر پارتێك و هه‌ر ئه‌ندامێكی په‌رله‌مان بۆخۆی كار ده‌كات ، ره‌وشی ئه‌منی ناسه‌قامگیره ، چه‌ك و میلیشیا زۆرن .
ئێستا زۆر په‌رله‌مانتاره شیعه‌كان ده‌زانن ئه‌و یاسایه خزمه‌ت به‌وان ناكات ، بۆیه په‌شیمان بوونه‌ته‌وه و داوا ده‌كه‌ن هه‌ر پارێزگایه‌ك بكرێته بازنه‌یه‌كی هه‌لبژاردن .
سه‌باره‌ت به پارێزگای كوركووك رایگه‌یاند كه كه‌ركووك پێكهاته‌ی زۆری تیدایه هه‌روه‌ها نه‌ینه‌وا ، پێگه‌ی كورد له‌و دوو پارێزگایه زۆره ، توركمان بۆ ئه‌وه‌ی زه‌ره‌رمه‌ند نه‌بێت هه‌وڵ ده‌ده‌ن ئه‌و دوو پارێزگایه بارودۆخێكی تایبه‌تی بۆ دروست بكه‌ن بۆ ئه‌وه‌ی خۆیان بكه‌ن به خاوه‌نی ئه‌و دوو شاره . به‌ڵام فراكسیۆنه كوردییه‌كان یه‌ك ده‌نگ بووین به ره‌تكردنه‌وه‌ی ئه‌وداوایه
سه‌باره‌ت به ره‌وشی ئابووری عێراق د میاده نه‌جار ئەندامی پەرلەمانی عێراق لە فراکسیۆنی پ.د.ک رایگه‌یاند : باری دارایی عێراق زۆر خراپه و په‌نا بۆ قه‌رز ده‌بات و كۆبوونه‌وه‌كانی شاندی هه‌رێم به‌رده‌وام بوون تا ئاماده‌كردنی بودجه‌ی 2020 ، به‌ڵام له ناو په‌رله‌مانی عێراق لایه‌نه سیاسییه‌كان داوایانكرد كه عێراق له بارودۆخێكی سه‌ختی ئابووریدایه بۆیه پێشنیاریان كردووه ئه‌و چه‌ند مانگه‌ی تێپه‌ڕبووه پێویست به ده‌ستنیشانكردنی به‌شه بودجه ناكات ته‌نها 3 مانگی كۆتایی ساڵ نه‌بێت . ئیستا بودجه‌كه له لایه‌ن حكومه‌تی عێراق بۆ ئه‌و 3 مانگه خه‌ریكه ئاماده بكرێت و بنێردرێت .
سه‌باره‌ت به ره‌وشی ئه‌منی و سیاسی عێراق گوتی : ره‌وشی عێراق له هه‌موو روێكه‌وه ناسه‌قامگیره لایه‌نه‌كان ئه‌جینداكانیان جێبه‌جێ ده‌كه‌ن كه پێیان راسپێردراوه .
کۆمێنت (0)
تا ئێستا هیچ کۆمێنتێک نەکراوە.