له میانه‌ی به‌شداریكردن له به‌رنامه‌ی رۆژه‌ڤی كوردستان سه‌باره‌ت به رەوشی ناسەقامگیری عێراق و پرسی هەڵبژاردن خالید ئەحمەد چاودێری سیاسی رایگه‌یاند
پرسی هه‌لبژاردن له عێراق دوای ئه‌و داواكارییه‌ی شه‌قامی عێراق ، لایه‌نه عێراقیه‌كان كه‌وتنه ژێر فشار بۆ ئه‌وه‌ی خه‌ڵكی شه‌قام رازی بكه‌ن . به‌لام باشترین بژارده ئه‌وه‌یه كه عێراق یه‌ك بازنه‌ی هه‌لبژاردن بێت ، به‌ڵام لایه‌نه شیعه‌كان له‌وانه‌یه مه‌ترسیان هه‌بێت كه زیان به به‌رژه‌وه‌ندیه‌كانیان بگات ، ئێستا ره‌وشه‌كه‌یان به‌ره‌و ئاقارێكی دیكه بردووه ، كه له رووی ته‌كنیكیه‌وه ئاسته‌نگی تیایه ، له رووی ماددیش به هه‌مان شێوه.
روونیشیكرده‌وه كه پیویسته لایه‌نه سیاسییه‌كان هه‌نگاوی جدی بهاوێژن بۆ ئه‌وه‌ی لایه‌ن شه‌قام رازی بكه‌ن و له لایه‌كی دیكه‌وه ره‌چاوی باری سیاسی وڵات بكه‌ن .
سه‌باره‌ت به جۆری ئه‌و هه‌لبژاردنه رایگه‌یاند كه هه‌لبژاردن بۆ تاكه‌كه‌سی زیاتر ره‌وشه‌كه ئالۆز ده‌كات ، چونكه تاكه كه‌س ته‌نها هه‌ول ده‌دات خۆی نیشان بدات و كار بۆ خودی خۆی بكات ، به‌ڵام لیست و پارته‌كان به‌رنامه‌یه‌كیان ده‌بێت و پابه‌ند ده‌بن پێوه‌ی كه به‌رای من ئه‌وه‌ی دووه‌میان باشتر خزمه‌ت به كۆمه‌ڵگه‌ی عێراق ده‌كات .
هه‌روه‌ها ئه‌و جۆره هه‌لبژاردنه وا ده‌كات كه ده‌ستنیشانكرنی كوتله‌ی گه‌وره زیاتر زه‌حمه‌ت بێت ، ئه‌وه‌ش پرۆسه‌ی سیاسی زیاتر خاوتر ده‌بێت
هه‌روه‌ها هه‌وڵ له ئارادایه كه له ناوچه‌كانی ده‌ره‌وه‌ی ئیداره‌ی هه‌رێم ، ئاسته‌نگه‌كان زیاتر قوڵتر بكه‌ن كه خۆی ئه‌و ناوچانه پڕ كیشه‌ن و خه‌لكی ئه‌وناوچانه ئاواره‌ن و له شاره‌كانی خۆیان دوورن .
به‌رای من ئه‌و هه‌لبژاردنه ناتوانێت كیشه‌كانی گۆره‌پانی عێراق چاره‌سه‌ر بكات به‌ڵكو ته‌نها بۆ رازی كردنی شه‌قامی عێراقییه .
کۆمێنت (0)
تا ئێستا هیچ کۆمێنتێک نەکراوە.