له‌میانه‌ی پێكدادانێكی چه‌كداری له‌گه‌ڵ قاچاغچی چه‌ك، ئه‌فسه‌رێك و سه‌ربازێك له‌نزیك هۆرعوزیم له باشووری ئێران له‌سه‌ر سنووری پارێزگای میسان كوژران.
له‌مباره‌یه‌وه ئاژانسی هه‌واڵیی قوتابیانی ئێران( ئیسنا ) له‌سه‌ر زاری حه‌بیب عه‌فه‌ری، حاكمی هه‌رێمی حه‌وێزه‌ی سه‌ر به پارێزگای خوزستان گواستویه‌تییه‌وه كه دره‌نگانێی شه‌وی رابردوو، پێكدادان له نێوان پاسه‌وانی سنوور و قاچاغچیانی چه‌ك له نزیك هۆرعوزیم له نێوان عێراق و ئێران دروست بووه.
حه‌بیب عه‌فه‌ری ده‌شڵێت: له ئاكامی پێكدادانه‌كه‌دا دوو ئه‌ندامی هێزه‌كانی پاسه‌وانی سنوور كوژراون كه یه‌كێكیان ئه‌فسه‌ره به‌پله‌ی نه‌قیب و كه‌سێكی دیكه‌ش سه‌ربازی ئاسایی بووه ،هاوكات ئه‌ندامێكی دیكه‌ی پاسه‌وانی سنوور برینداربووه‌و به‌مه‌به‌ستی چاره‌سه‌ركردنی ره‌وانه‌ی نه‌خۆشخانه كراوه .
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.