له میانه‌ی به‌شداریكردن له به‌رنامه‌ی رۆژه‌ڤی كوردستان سه‌باره‌ت به پرسی عـێـراق لەنێوان حوکمی دەوڵەت و هەڕەشەی مـیلیشـیاکان دلاوەر ئـاژگـەیی ـ نوێنەری حکومەتی هەرێم لە یەکێتی ئەوروپا رایگه‌یاند
ئه‌و جه‌نگه جۆرێكه له جه‌نگی سارد له نێوان ئێران و ئه‌مه‌ریكا له سه‌ر خاكی عێراق . ئه‌و بابه‌ته ئیستا گه‌رم بووه به هۆی پرۆسه‌ی هه‌ڵبژاردنه‌كانی ئه‌مه‌ریكا . نایانه‌وێت كاریگه‌ری ئه‌و بابه‌ته به شیوه‌یه‌كی نه‌گێتیڤ بكاته سه‌ر ده‌نگده‌ری ئه‌مه‌ریكا ، بۆیه زۆر له نزیكه‌وه و به هه‌ستیاری له گه‌ڵ ئه‌و بابه‌ته مامه‌ڵه ده‌كه‌ن
روونیشیكرده‌وه له‌ماوه‌یه‌دا چه‌ندین جار هێرش كراوه‌ته سه‌ر به‌رژه‌وه‌ندیه‌كانی ئه‌مه‌ریكا به‌تایبه‌تی بالیۆزخانه‌و ناوچه‌ی سه‌وز كه به هه‌زاران كه‌س له بالیۆزخانه‌ی ئه‌مه‌ریكا كاری تێدا ده‌كه‌ن .
راشیگه‌یاند داخستنی بالیۆزخانه‌ی ئه‌مه‌ریكا كاریگه‌ری باشی نابێت له سه‌ر عێراق ، چونكه ئه‌و گروپه چه‌كدارانه به ده‌ستكه‌وت له قه‌له‌می ده‌ده‌ن .
روونیشیكرده‌وه كه ئه‌گه‌ر ئه‌وه‌ی ئه‌مه‌ریكا چاوه‌روانی له حكومه‌تی عێراق ده‌كرد كه بتوانێت تا راده‌یه‌ك هه‌ژموونی ئێران و میلیشیاكان له ناو عێراق كه‌م بكات ئه‌وا ئه‌مه‌ریكا له عێراق بوونی خۆی كه‌م ده‌كات و دواتر ئه‌و هاوكارییه‌ی كه بریار بوو خه‌رجی بكات بۆ هاوكاریكردنی عێراق نایكات دواتر عێراق ناتوانێت قه‌رزی نێوه‌وڵه‌تی وه‌ربگرێت . دواتر چه‌ندین سه‌ركرده‌ی عێراق حسابیان بلۆك ده‌كرێن ده‌خرێنه سه‌ر لیستی ره‌ش .
ئاماژه‌ی به‌وه‌ش دا كه كازمی له بارودۆخیكی زۆر قورسدایه ، چونكه كه‌وتۆته نێوان ململانێی نێوان ئه‌مه‌ریكا و ئێران . ئه‌و خاوه‌نی هیچ كوتله‌یه‌كی په‌رله‌مانی نیه ، كاندیدی ئێرانیش نه‌بووه ، پیویسته ده‌رفێك بدۆزێته‌وه بۆ یه‌كلایی كردنه‌وه‌ی خۆی كه له به‌رژه‌وه‌ندی كام لایه‌ن كار ده‌كات .
هێرش كردنه سه‌ر میلیشیاكان كارێكی ئاسان نیه ، یان له‌ناوبردنیان كه ئاسان نیه یان تاواندنه‌وه‌یان له نێو سوپای عێراق كه له ژێر فه‌رمانی كازمیدابن .
دلاوەر ئـاژگـەیی ـ نوێنەری حکومەتی هەرێم لە یەکێتی ئەوروپا ئه‌وه‌شی راگه‌یاند كه یه‌كێك له كێشه‌كانی عێراق نه‌بوونی یاسایه ئه‌وه‌ش كارێكی ئاسان نیه بۆ كازمی له‌و كاره سه‌ركه‌وتوو بێت و بتوانێت یاسا له وڵات سه‌روه‌ربكات چونكه ئه‌و میلیشیایانه بوونه‌ته هۆی دروستكردنی كێشه‌و گرفت بۆ نه‌بوونی یاسا .
كازمی هه‌وڵ ده‌دات جۆرێك له هاوسه‌نگی دروست بكات ، به‌ڵام خۆی له ئه‌مه‌ریكا زیاتر نزیكه ، به‌ڵام ئێران كاریگه‌ری زۆری هه‌یه له سه‌ر عێراق ، بۆیه زه‌حمه‌ته پشت له ئێران بكات .
روونیشیكرده‌وه كه ترامپ بیر له به‌رژه‌وه‌ندییه‌كانی خۆی ده‌كاته‌وه ، نایه‌وێت به هیچ شێوه‌یه‌ك ئه‌و پرسه كاریگه‌ری نه‌رێنی له سه‌ر پرۆسه‌ی هه‌لبژاردنه‌كانی ئه‌مه‌ریكا دروست بكات .
کۆمێنت (0)
تا ئێستا هیچ کۆمێنتێک نەکراوە.