به‌یانی ئه‌مڕۆ سێشه‌ممه، شۆفێری تاكسییه‌ك به‌هۆی له‌ده‌ستدانی كۆنتڕۆڵه‌وه خۆی ده‌كێشێت به چه‌ند دارێكدا و پاشانیش خۆی ده‌كێشێت به كارگوزارێكی پاككه‌ره‌وه‌دا و به‌هۆیه‌وه كارگوزره‌كه گیان له‌ده‌ستده‌دات.
فازڵ حاجی، گوته‌بێژی پۆلیسی هاتووچۆی هه‌ولێر ڕایگه‌یاند: كاتژمێر 6:30 خوله‌كی به‌یانی ئه‌مڕۆ سێشه‌ممه، شۆفێری تاكسییه‌كی كرۆڵا به‌هۆی تیژڕۆیی و لێخوڕینی له‌ڕاده‌به‌ده‌ر كۆنتڕۆڵی له‌ده‌ستدا و به‌سه‌ر دوورگه‌ی ناوه‌ندی شه‌قامه‌كه كه‌وت.
ڕاشیگه‌یاند: پاش شكاندنی چه‌ند دارێك ئینجا گه‌یشته كارگوزارێك كه‌له‌گه‌ڵ تانكه‌ری ئاو خه‌ریكی ئاودانی سه‌وزایی دوورگه‌ی ناوه‌ند بوو خۆی پیا كێشا و له دوای ئه‌وه‌ش خۆی به ستوونێكی كاره‌بادا كێشا و ئینجا وه‌ستا.
گوته‌بێژی هاتووچۆی هه‌ولێر ڕاشیگه‌یاند: به‌داخه‌وه له ئه‌نجامی ڕووداوه‌كه كارگوزاره‌كه كه ناوی "هه‌ردی عه‌لی"ه‌و ته‌مه‌نی 18 ساڵانه گیانی له‌ده‌ستدا و زه‌ره‌رو زیانێكی گه‌وره‌ی ماددیش به‌ر ستوونی كاره‌باو جوانكارییه‌كان كه‌وت.
ئاماژه‌ی به‌وه‌ش كردووه: هه‌موو زیانه گیانی و ماددییه‌كان به‌هۆی هه‌وڵی زووتر گه‌یشتنی شۆفێری تاكسییه‌كه بوو كه له‌هێڵی دهۆك بۆ هه‌ولێر كارده‌كات
کۆمێنت (0)
تا ئێستا هیچ کۆمێنتێک نەکراوە.