دژه تیرۆری كوردستان زانیاری وردی له باره‌ی ئه‌و موشه‌كانه‌ی ئاراسته هه‌ولێركرابوون بڵاو كرده‌وه
دژه تیرۆرى كوردستان بڵاوى كرده‌وه كاتژمێر 8:30ى ئه‌م شه‌و له سنوورى گوندى شێخ ئه‌میره‌وه كه سه‌ر به پارێزگاى نه‌ینه‌وایه له‌لایه‌ن میلیشیاكانى حه‌شدى شه‌عبییه‌وه 6 مووشه‌ك به ئاراسته‌ى فڕۆكه‌خانەی نێوده‌وڵه‌تى هه‌ولێر هاوێژراون، به‌ڵام دوور له فڕۆكه‌خانه له چۆڵه‌وانى كه‌وتنه خواره‌وه و دوو له‌و مووشه‌كانه‌ش نه‌ته‌قیونه‌ته‌وه
هه‌ر له بڵاوكراوه‌كه‌دا هاتووه موشه‌كه‌كان هیچ زیانێكى لێنه‌كه‌وتۆته‌وه
له لایه‌كى دیكه سه‌رچاوه‌یه‌ك له ناحیه‌ى خازرى سه‌ر به پارێزگاى نه‌ینه‌وا به كوردستان تیڤى راگه‌یاند ئاڵۆزى و شه‌ره ته‌قه له نێوان سوپاى عێراق و میلیشیا چه‌كداره‌كانى جێگیر له‌و ناوچه‌یه دروست بووه له ئێستادا رێگه‌ى چوون بۆ هه‌ولێر به خۆڵ به‌ربه‌ست كراوه
کۆمێنت (0)
تا ئێستا هیچ کۆمێنتێک نەکراوە.