به‌رێز نێچیرڤان بارزانی سه‌رۆكی هه‌رێمی كوردستان بۆ كۆچی دوایی بابا شێخ سەرۆكی ڕۆحانیی ئایینی ئێزیدی، په‌یامێكی سه‌ره‌خۆشی بڵاوكرده‌وه ، ئه‌مه ده‌قه‌كه‌یه‌تی:
به‌هینامه‌ك ژ سه‌رۆكێ هه‌رێما كوردستانێ
ژبۆ وه‌غه‌را خودێ ژێ ڕازى شێخ خرتۆ حه‌جى یٔیسماعیل، بابێ شێخ یێ ئێزدییان، به‌هیدارى و سه‌رساخیێ ل مالبات و كه‌سوكارێن وى و هه‌مى خوشك و برایێن ئێزدى دكه‌م و هه‌ڤپارێن خه‌ما وانین، ژ خودایێ مه‌زن هیڤیخوازین جانێ وى ب دلۆڤانیا خۆ شا بكه‌ت و سه‌بر و هه‌دارێ بده‌ته هه‌موویان.
بابێ شێخ وه‌ك ڕێبه‌ر و مه‌زنێ ئۆلى یێ ئێزدییان ژیانا خۆ ژبۆ خزمه‌تا یٔێزدییاتیێ و سالێن دوور و درێژێن ژیێ خۆ د كاروبارێن یٔۆلى و جڤاكى یێن یٔێزدییاندا ده‌رباز كرن، ڕۆلا وى یا به‌رچاڤ ژبۆ پێكڤه‌ژیان و هه‌ڤقه‌بوولكرنێ ژى دیاره و شوونده‌ستێ كار و خزمه‌تێن وى، هه‌ر دێ مینیت.
وه‌غه‌را وى یا خێرێ و جانێ وى شاد.
نێچیرڤان بارزانى
سه‌رۆكێ هه‌رێما كوردستانێ
1/10/2020
کۆمێنت (0)
تا ئێستا هیچ کۆمێنتێک نەکراوە.