دوای ئه‌وه‌ی هێزه ئه‌منییه‌كان ماڵه‌كه‌یان پشكنی، ئێرینا سلاڤینا،رۆژنامه‌نووسی رووسی ئاگری له‌جه‌سته‌ی خۆی به‌رداو به‌و هۆیه‌وه گیانی له‌ده‌ستدا.
ئێرینا سلاڤینا كه دامه‌زرێنه‌رو به‌رپرسی نووسین بوو له پێگه‌ی هه‌واڵی كۆزا پریس-ی سه‌ربه‌خۆ، له‌به‌رامبه‌ر بنكه‌یه‌كی پۆلیس له شاری نیزنی نۆفگۆرۆد ئاگری له‌جه‌سته‌ی خۆی به‌ردا.
ئه‌و رۆژنامه‌نووسه رووسییه كه ته‌مه‌نی 47 ساڵ بوو، به‌ر له خۆكوشتنه‌كه‌ی پۆستێكی له فه‌یسبووك نووسیبوو و حكومه‌تی وڵاته‌كه‌ی به‌م كاره‌ی تاوانبار كردبوو.
له‌مباره‌یه‌وه لیژنه‌ی لێكۆڵینه‌وه‌ی رووسیا ده‌ڵێت: ده‌نگۆی مردنی ئه‌و رۆژنامه‌نووسه، هیچ په‌یوه‌ندییه‌كی به پشكنینی ماڵه‌كه‌یدا نییه‌و دووره له‌راستییه‌وه، هاوكات پڕۆسه‌ی گه‌ڕان و پشكنینی ماڵه‌كه‌ی له چوارچیوه‌ی تاوانێكدا بووه‌و وه‌ك شاهێدێك مامه‌ڵه‌ی له‌گه‌ڵ كراوه .
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.