هونه‌رمه‌ندی ناوداری نزار سامرائی عێراقی له ته‌مه‌نی 75 ساڵیدا به هۆی نه‌خۆشی دڵ كۆچی دوایی كرد.
نه‌قیبی سه‌ندیكای هونه‌رمه‌ندانی عێراق، جه‌بار جودی راگه‌یاند: ئه‌مڕۆ 3-10-2020 هونه‌رمه‌ندی ناسراوی بواری نواندن نزار سامرائی له ته‌مه‌نی 75 ساڵیدا كۆچی دوایی كرد.
نه‌قیبی هونه‌رمه‌ندانی عێراق ئاماژه‌ی بۆ ئه‌وه كرد كه نزار سامه‌رائی ئه‌مڕۆ شه‌ممه له نه‌خۆشخانه‌ی شێخ زاید گیانی له ده‌ستداوه.
نزار سامرائی هونه‌رمه‌ند له ساڵی ١٩٤٥ له شاری حله له دایكبووه، سه‌ره‌تا له شانۆوه ده‌ستی به‌كاری هونه‌ری كرد و دواتر بۆ ته‌له‌فزیۆن و سینه‌ما كاره‌كانی به‌ره‌وپێدا.
یه‌كێك له‌و به‌هره‌یه‌ی له‌م هونه‌رمه‌نده‌دا بووه كه له هونه‌رمه‌ندانی تردا كه‌م بووه، توانیوویه‌تی هه‌موو ده‌ورێكی له كاره هونه‌ریه‌كانیدا ببینێت. ناوبراو وه‌رزشوانیش بووه و یه‌كێك بووه له یاریزانه‌كانی یانه‌ی بابل بۆ تۆپی پێ.
کۆمێنت (0)
تا ئێستا هیچ کۆمێنتێک نەکراوە.