ده‌زگای ئاسایشی نیشتمانیی عێراق بڵاوی كرده‌وه كه 26 تیرۆریستی داعش له پارێزگای نه‌ینه‌وا باكووری عێراق ده‌ستگیركراون.
له راگه‌یه‌ندراوێكدا ده‌زگای ناوبراو ئاماژه‌ی به‌وه‌داوه كه پشت به‌ستن به زانیارییه‌كانی هه‌واڵگریی و له‌سه‌ر فه‌رمانی دادوه‌ریی، هێزه‌كانی ده‌زگای نیشتمانیی له پارێزگای نه‌ینه‌وا، 26 تیرۆریستی داعشیان له ژماره‌یه‌ك ناوچه‌ی پارێزگاكه ده‌ستگیركردووه.
به‌پێی راگه‌یه‌ندراوه‌كه، زۆربه‌ی ئه‌و تیرۆریستانه‌ی كه ده‌ستگیركراون له به‌ناو دیوانی جوند كاریان كردووه و سێ دیكه‌یان له به‌ناو دیوانه‌كانی (ته‌ندروستیی، پیشه‌سازیی و مه‌شق و راهێنان)ی سه‌ربه داعش كاریان كردووه.
ئه‌وه‌یش خراوه‌ته‌ڕوو كه ئه‌و ده‌ستگیركراوانه له لێكۆڵینه‌وه به‌راییه‌كاندا، دانیان به‌وه‌داناوه كه له كاتی ئۆپه‌راسیۆنه‌كانی كۆنترۆڵكردنه‌وه‌ی ناوچه‌كاندا، چه‌ندین كرده‌ی تیرۆریستییان دژبه هێزه ئه‌منییه‌كان ئه‌نجامداوه.
کۆمێنت (0)
تا ئێستا هیچ کۆمێنتێک نەکراوە.