پۆلیسی سلێمانی: ئه‌و تۆمه‌تبارانه‌ی‌ شاخی‌ گۆیژه‌یان سوتاند ده‌ستگیرکران

 پۆلیسی سلێمانی رایده‌گه‌ێنێت ئه‌و تۆمه‌تبارانه‌ی‌ شاخی‌ گۆیژه‌یان سوتاند ده‌ستگیركران

له‌راگه‌یاندراوێكدا به‌رێوه‌به‌رایه‌تى پۆلیسی پارێزگای سلێمانی بڵاوی كرده‌وه‌ كه‌پاش ئه‌وه‌ی‌ شه‌وی‌ (3 له‌سه‌ر 4ی‌ 2020/9) به‌شێك له‌دره‌خته‌كانی‌ شاخی‌ گۆیژه‌ سوتا، لێكۆڵینه‌وه‌كانمان ده‌ستپێكرد به‌مه‌به‌ستی‌ دۆزینه‌وه‌و ده‌ستگیركردنی‌ ئه‌نجامده‌رانی‌، پاش به‌دواداچون و كۆكردنه‌وه‌ی‌ زانیاری‌ وردو وه‌رگرتنی‌ بڕیاری‌‌ به‌ڕێز دادوه‌ر، توانرا ڕۆژی‌ (2020/10/3) دو تۆمه‌تبار به‌تۆمه‌تی‌ سوتاندنی‌ دره‌خته‌كانی‌ شاخی‌ گۆیژه‌ له‌لایه‌ن هێزه‌كانی‌ پۆلیسی‌ پارێزگای‌ سلێمانییه‌وه‌ ده‌ستگیر بكرێن.

 راشیده‌گه‌ێنێت كه‌هه‌ردوو تۆمه‌تبار (د، ح، ع) له‌دایكبووی‌ 1993 و (ه، ع، ا) له‌دایكبووی‌  1990، له‌به‌رده‌م دادوه‌ری‌ لێكۆڵینه‌وه‌دا دانیاناوه‌ به‌تاوانه‌كه‌یانداو له‌ئێستادا به‌بڕیاری‌ دادوه‌رو به‌پێی‌ مادده‌ی‌ (10/ژینگه‌) ڕاگیراون‌و لێكۆڵینه‌وه‌كان به‌رده‌وامن.

دارشتنه‌وه‌ى هه‌واڵ - شوان عه‌زیز