فه‌رمانده‌یی ئۆپه‌راسیۆنه هاوبه‌شه‌كانی عێراق رایده‌گه‌ێنێت،هێزه ئه‌منییه‌كان شێوازێكی نوێ به ئامانجی راوه‌دوونانی تیرۆریستانی داعش په‌یڕه‌و ده‌كه‌ن.
له‌مباره‌یه‌وه لیوا ته‌حسین خه‌فاجی ، گوته‌بێژی فه‌رمانده‌یی ئۆپه‌راسیۆنه هاوبه‌شه‌كانی عێراق، ئاشكرای كردووه كه له‌ئێستادا، هێزه ئه‌منییه‌كان شێوازێكی نوێ به ئامانجی راوه‌دوونانی تیرۆریستانی داعش په‌یڕه‌و ده‌كه‌ن و گوتی: ئه‌و شێوازه نوێیه، پشت به هه‌وڵه‌كانی هه‌واڵگریی، هه‌روه‌ها به‌كارهێنانی ئه‌و میكانیزم و سیسته‌میه ئه‌منییانه ده‌به‌ستێت كه یاریه‌مه‌تیده‌ر ده‌بن له راوه‌دوونانی تیرۆریستانی داعش.
لیوا ته‌حسین خه‌فاجی ئاماژه‌ی به‌وه‌یشدا كه هێزه ئه‌منییه‌كان، شێواز و میكانیزمی خۆیان بۆ راوه‌دوونانی تیرۆریستانی داعش گۆڕیوه و گوتی: به‌پێی زانیاریی ورد و هه‌واڵگریی، شێوازی راوه‌دوونانی تیرۆریستانی داعش ده‌گۆڕدرێت كه ئه‌وه‌یش له‌م ماوانه‌ی دواییدا، هێزه ئه‌منییه‌كان په‌یڕه‌ویان كردووه.
کۆمێنت (0)
تا ئێستا هیچ کۆمێنتێک نەکراوە.