له هێرشێكی رێكخراوی تیرۆریستیی داعشدا بۆسه‌ر خاڵێكی پۆلیسی فیدرالی عێراق، دوو پۆلیس كوژران و پێنجی دیكه‌ش برینداربوون.
سه‌عد حه‌ربیه، فه‌رمانده‌ی ئۆپه‌راسیۆنه هاوبه‌شه‌كان له‌كه‌ركووك، له لێدوانێكیدا باسی له‌وه كرد كه چه‌كدارانی رێكخراوی تیرۆریستیی داعش هێرشیان كردووه‌ته سه‌ر خاڵێكی چاودێری سه‌ربه هێزی پۆلیسی فیدرالی له باشووری كه‌ركووك.
سه‌عد حه‌ربیه ئاماژه‌ی به‌وه كرد له هێرشه‌كه‌دا كه چه‌كی سووك و ئۆتۆماتیكی به‌كارهێنراوه، دوو پۆلیس كوژراون و پێنجی دیكه‌ش برینداربوون.
فه‌رمانده‌ی ئۆپه‌راسیۆنه هاوبه‌شه‌كان ئه‌وه‌شی خسته‌ڕوو كه دوا به دوای هێرشه‌كه هێزی ئه‌منیی ره‌وانه‌ی گوندی نگار سه‌ربه شارۆچكه‌ی حه‌ویجه و ده‌ورووبه‌ری ناوچه‌كه كراوه و ئۆپه‌راسیۆن ده‌ستیپێكردووه.
کۆمێنت (0)
تا ئێستا هیچ کۆمێنتێک نەکراوە.