پارێزگاری سلێمانی و سه‌رۆكی ژووری ئۆپه‌راسیۆنی تایبه‌ت به رووبه‌رووبوونه‌وه‌ی كۆرۆنا رایگه‌یاند: بڵاوبوونه‌وه‌ی ڤایرۆسی كۆرۆنا له شاری سلێمانی له دۆخێكی مه‌ترسیدار دایه.
ئه‌مرۆ چوارشه‌ممه لە کۆنگرەیەکی رۆژنامەوانیدا دكتۆر هه‌ڤاڵ ئه‌بوبه‌كر پارێزگاری سلێمانی و سه‌رۆكی ژووری ئۆپه‌راسیۆنی تایبه‌ت به رووبه‌رووبوونه‌وه‌ی ڤایرۆسی كۆرۆنا له پارێزگای سلێمانی راگه‌یاند: بڵاوبوونه‌وه‌ی ڤایرۆسی كۆرۆنا له شاری سلێمانی له دۆخێكی مه‌ترسیدار دایه و ژماره‌ی گیان له ده‌ستدان له‌و سنووره له به‌رزبوونه‌وه‌ی به‌رده‌وامدایه.
دكتۆر هه‌ڤاڵ ئه‌بوبه‌كر راشیگه‌یاند ئه‌گه‌ر هاووڵاتییان پابه‌ندی رێنماییه ته‌ندروستییه‌كان نه‌بن ئه‌وان له دوو هه‌فته‌ی داهاتوودا ئاماره‌كانی گیان له ده‌ستدان زیاتر به‌رزده‌بێته‌وه و هه‌ر خانه‌واده‌یه‌ك ئازیزێكی له ده‌ست ده‌دات.
پارێزگارى سلێمانى گوتیشى: ئەو ژمارانەى کە لەلایەن تەندروستى سلێمانییەوە بڵاودەکرێنەوە، راستەقینەن و هیچ کەسێک ناشاردرێتەوە.
سه‌باره‌ت به چۆنیه‌تی ڕووبه‌رووبوونه‌وه‌ی په‌تای كۆرۆنا له وه‌رزی سارد و سه‌رما دكتۆر هه‌ڤال ئه‌بوبه‌ركر ئه‌وه‌ی خسته‌ڕوو ژووری ئۆپه‌راسیۆنه‌كان كۆبوونه‌وه‌ی ده‌بێت و پلانی تایبه‌تیان ده‌بێت بۆ به‌ره‌نگاربوونه‌وه‌ی ڤایرۆسی كۆرۆنا.
کۆمێنت (0)
تا ئێستا هیچ کۆمێنتێک نەکراوە.