ئێواره‌ی ئه‌مڕۆ چوارشه‌ممه 2020/10/7 شێخ سالار حه‌فید، كۆچی دوایی كرد.
مەحمود حەفیدزادە لە هەژماری خۆی لە فەیسبووك بڵاویكردتەوە، نووسیوویه‌تی: بەداخ و پەژارەوە هەواڵی کۆچی دوایی جەنابی شێخ سالاری حەفید ڕادەگەیەنین ڕازین بە فەرمانی خودای میهرەبان لەئێستادا ئامادەکاری دەکرێت بۆ گەڕانەوەی بۆ نیشتیمان و بەخاک سپاردنی خوای گەورە بە ڕەحمی خۆی بەبەهەشتی بەرینی شاد بکات و سەبوری خزمان و دۆستان و هەموان بدات.
شێخ سالاری حەفید بەنەخۆشی لەوڵاتی توركیا كۆچی دوایی كردو كەسوكارەكەشی ئامادەكاری بۆ گەڕانەوەی تەرمەكەی دەكەن بۆ سلێمانی و بەخاكسپاردنی.
كۆچكردوو له ساڵی 1948 لەدایکبووە و ئامۆزای ئامۆزای مەلیک مەحمودە و یەکێک بووه لەو کەسایەتییانەی سەرگەرمی زیندوکردنەوەی مێژووی ولایەتی موسڵ و مافەکانی کورد بووە و سەرپەرشتیاری مەزارگەی كاك ئەحمەدی شێخ و مەلیك مەحمود بوو لەمزگەوتی گەورەی سلێمانی.
کۆمێنت (0)
تا ئێستا هیچ کۆمێنتێک نەکراوە.