له گوندی مۆریلانی سه‌ر به شاره‌دێی به‌رده‌ڕه‌ش گه‌نجێك به چه‌كی جۆری كڵاشینكۆف كۆتایی به ژیانی خۆی هێنا.
له باره‌ی ڕووداوه‌كه‌وه عه‌مید سه‌عدی به‌رزنجی به ماڵپه‌ڕی كوردستان تیڤی ڕاگه‌یاند: له گوندی مۆریلانی سه‌ر به‌قه‌زای به‌رده‌ڕه‌ش، مێرد منداڵێكی ته‌مه‌ن 15 ساڵان به ناوی "هه‌ڤاڵ عومه‌ر غه‌ریب" به چه‌كی جۆری كڵاشینكۆف كۆتایی به ژیانی خۆی هێنا.
گوتیشی: دوا به‌دوای ڕووداوه‌كه تیمه‌كانی پۆلیس و به‌ڵگه‌و تاوان گه‌یشتنه شوێنی ڕووداوه‌كه و ته‌رمه‌كه‌یان به مه‌به‌ستی پشكنین و توێكاری گواسته‌وه بۆ پزیشكی دادوه‌ری دهۆك.
ئاماژه‌ی به‌وه‌شكرد كه به‌پێی لێكۆڵینه‌وه سه‌ره‌تاییه‌كان مێردمنداڵه‌كه دوو گولـله‌ی له‌خۆی داوه و به‌هۆیه‌وه ده‌ستبه‌جێ گیانی له‌ده‌ستداوه و بۆ ئه‌م مه‌به‌سته‌ش په‌ڕاوی لێكۆڵینه‌وه له‌سه‌ر هۆكاری خۆكوشتنه‌كه‌ی كراوه‌ته‌وه و لێكۆڵینه‌وه له‌سه‌ری به‌رده‌وامه.
شایه‌نی باسه له‌ماوه‌ی ئه‌م هه‌فته‌یه‌دا ئه‌وه دووه‌مین حاڵه‌تی خۆكوشتنه كه له قه‌زای به‌رده‌ڕه‌ش تۆمار بكرێت.
سه‌نگه‌ر گۆران
کۆمێنت (0)
تا ئێستا هیچ کۆمێنتێک نەکراوە.