وەزارەتی دەرەوەی رووسیا رایگەیاند: ئازەربایجان و ئەرمینیا رەزامەندییان نیشانداوە بۆ بەشداریکردن لەکۆبونەوەی مۆسکۆ.
ئەمڕۆ هەینی ماڵپه‌ڕی RTی رووسی به پشتبه‌ستن به وەزارەتی دەرەوەی رووسیا بڵاویكرده‌وه: وڵاتان ئازەربایجان و ئەرمینیا رەزامەندییان ده‌ربڕیووه بۆ ده‌ستپێكردنی دانوستانی نێوانیان.
باسی له‌وه‌شكردووه: وه‌زیرانی ده‌ره‌وه‌ی ئازه‌ربایجان و ئه‌رمینیا ئاماده‌ی دانوستاندن ده‌بن له مۆسكۆ.
دوای ئەوەی رووسیا وەزیرانی دەرەوەی ئازەربایجان و ئەرمینیای بۆ چارەسەرکردنی کێشەی قەرباغ بانگهێشت کرد.
شایه‌نی باسه له مانگی ئه‌یلوولی رابردوو شه‌ڕو پێكدادان نێوان ئازه‌ربایجان و ئه‌رمینیا ده‌ستیپێكردووه و دوێنێ وته‌بێژی وه‌زاره‌تی ده‌ره‌وه‌ی ڕوسیا بڵاویكرده‌وه، گفتوگۆ و په‌یوه‌ندیه‌كانیان له‌گه‌ڵ سه‌رجه‌م لایه‌نه‌كان تایبه‌ت به رووداوه‌كانی نێوان ئه‌م دوو وڵاته ده‌ستپێكردووه.
کۆمێنت (0)
تا ئێستا هیچ کۆمێنتێک نەکراوە.