فازل حاجی، گوته‌بێژی پۆلیسی هاتووچۆی هه‌ولێر ڕایگه‌یاند: دوای نیوه‌ڕۆی ئه‌مڕۆ هه‌ینی ڕووداوێكی هاتووچۆ له‌سه‌ر ڕێگای سه‌ره‌كی باسرمه - هه‌ریر ڕوویدا و له ئاكامیشدا كه‌سێك گیانی له‌ده‌ستدا و كه‌سێكی دیكه‌ش بریندار بوو.
ڕاشیگه‌یاندووه: ڕووداوه‌كه له كاتژمێر 3:30 خوله‌كی سه‌رله‌ئێواره‌ی ئه‌مڕۆ له سه‌ر ڕێگای سه‌ره‌كی هه‌ریر- باسرمه له نزیك گوندی قاسمیه به‌هۆی تیژڕۆییه‌وه ڕوویداوه، له كاتێكدا ئۆتۆمبیلێكی جۆری توێتا كرۆلا كه شۆفێر و سه‌رنشینێكی تێدا بوو، به‌هۆی تیژڕۆیی و خێرایی له ڕاده‌به‌ده‌ری ئۆتۆمبیله‌كه كۆنتڕۆڵی خۆی له‌ده‌ستدا و له ڕێگا ده‌رچوو، له پاش ده‌رچوونی له شه‌قام مه‌ودای نزیكه‌ی 100 مه‌تر له‌ناو زه‌وی كشتوكاڵیدا ڕۆیشت ئینجا له كه‌ندێك هه‌ڵدێرا.
گوته‌بێژی هاتووچۆ ڕاشیگه‌یاندووه:به‌داخه‌وه له ئه‌نجامی ڕووداوه‌كه‌دا كه‌سێك گیانی له‌ده‌ستدا و كه‌سێكی دیكه‌ش بریندار بوو.
کۆمێنت (0)
تا ئێستا هیچ کۆمێنتێک نەکراوە.