بەپێی زانیارییەکانی ماڵپەڕی "Worldometer" کە پشت بە ئامارە نوێکراوەکانی پەتاکە دەبەستێت لە جیھاندا، لە ئەمریکا لە ماوەی ٢٤ کاتژمێری رابردوودا بە زیادبوونی ٥٠ ھەزار و ٧٤٢ کەس ژمارەی ئەو کەسانەی کە تووشی ڤایرۆسەکە بوون گەیشتووه‌تە حەوت ملیۆن ٩٤٩ ھەزار و ٣٥١ کەس.
ھاوکات لە ماوەی ٢٤ کاتژمێری رابردوودا بە زیادبوونی ٥٨٢ کەسی دیکە، ژمارەی ئەوانەی لە دوای تووشبوونیان بە ڤایرۆسی کۆرۆنای نوێ گیانیان لەدەستداوە گەیشتە ٢١٩ ھەزار و ٣٠٠ کەس.
ھاوکات پێنج ملیۆن و ٩٠ ھەزار کەس لە ڤایرۆسی كۆرۆنا چاکبوونەتەوە و زیاتر لە ١١٧ ھەزار ملیۆن و ٦٣١ ھەزار پشکنین ئەنجامدراون.
له‌سه‌ر ئاستی ناوخۆی ئه‌مریكاش كالیفۆرنیا له ریزبه‌ندیی یه‌كه‌می ویلایه‌ته‌كاندا دێت له‌ڕووی ژماره‌ی حاڵه‌ته‌كانی تووشبوون كه ٨٥٢ هه‌زار و ٦٦٦ حاڵه‌تی تیادا تۆماركراوه و له‌دوای ئه‌ویش به ٨٣٢ هه‌زار و ٩٢٨ حاڵه‌ت تێكساس و به ٧٢٨ هه‌زار و ٩٢١ حاڵه‌ت فلۆریدا دێن.
لەرووى ژماره‌ی حاڵەتەكانى گیان لەدەستدانیشه‌وه، ویلایەتى نیویۆرک بە ٣٣ هەزار و ٣٧٧ حاڵەت لە ریزبه‌ندی یه‌كه‌می سه‌رجه‌م ویلایەتەكاندایه.
شایه‌نی باسه ئەمریکا کە ناوەندی پەتای ڤایرۆسی کۆرۆنای نوێیە لە جیھاندا، بەردەوام لە ریزبەندیی یەکەمدایە و بەرزترین ئاماری گیانلەدەستدان بەو پەتایە لەسەر ئاستی جیھاندا تیایدا تۆمارکراوە.
کۆمێنت (0)
تا ئێستا هیچ کۆمێنتێک نەکراوە.