له میانه‌ی به‌شداریكردن له به‌رنامه‌ی رۆژەڤـی کـوردسـتان له‌سه‌ر پرسی عێراق لەنێوان ململانێی ئه‌مه‌ریكا و ئێران، کارۆخ خۆشناو ـ سەرۆکی ئینستیتیوتی توێژینەوەی ئەمریکی-کوردی رایگه‌یاند
ئه‌مه‌ریكا وا ئاسان نییه عێراق جێبهێلێت به‌وه‌ی عێراق پێگه‌یه‌كی گرنگه بۆ ئه‌مه‌ریكا و ئه‌مه‌ریكا قوربانیه‌كی زۆری داوه بۆ ئه‌وه‌ی عێراق خاوه‌ن سه‌روه‌ری و وڵاتێكی دیموكراتی بێت ، به‌ڵام ئه‌و سه‌رۆك وه‌زیرانانه‌ی پێشووتر هه‌موویان سه‌ر به هه‌ژموونی ئێران بوون، به‌ڵام مسته‌فا كازمی تا راده‌یه‌ك هاوكاره له‌گه‌ڵ ئه‌مه‌ریكا بۆ ئه‌وه‌ی هه‌ژموونی ئێران له عێراق كه‌م بكاته‌وه .
به‌ڵام تا ئێستا مسته‌فا كازمی سه‌ركه‌وتوو نه‌بووه له رێكخستنی چه‌كداره شیعیه‌كان چونكه رۆژانه ئه‌و گروپانه هێرش ده‌كه‌نه سه‌ر هێزه‌كانی هاوپه‌یمانان و ئه‌مه‌ریكا
ئه‌ركی مسته‌فا كازمی قورسه به‌وه‌ی ناتوانێ به هێز كێشه‌ی میلیشیاكان یه‌كلایی بكاته‌وه .
هه‌لبژاردنه‌كانی ئه‌مه‌ریكا زۆر گرنگه به‌وه‌ی چه‌قی بڕیاردان و یه‌كلاكه‌ره‌وه له جیهان ، پرسی گرنگ هه‌ن له جیهان پێویستی به یه‌كلاكه‌ره‌وه هه‌یه ، بۆیه چاوێكی زۆر له سه‌ر ئه‌و هه‌لبژاردنه هه‌یه .
كه‌متر له 25%ی هاووڵاتیانی ئه‌مه‌ریكا گرنگی به سیاسه‌تی ده‌ره‌وه‌ی ئه‌مه‌ریكا ده‌ده‌ن ، به‌ڵكو پرسی ئابووری وڵاته‌كه‌یان لا گرنگه .
کۆمێنت (0)
تا ئێستا هیچ کۆمێنتێک نەکراوە.