له میانه‌ی به‌شداریكردنی له به‌رنامه‌ی رۆژەڤـی کـوردسـتان له‌سه‌ر پرسی عێراق لەنێوان ململانێی ئه‌مه‌ریكاو ئێران، رەمەزان نەسرەدین ـ سەرۆکی ئەکادیمیای دھۆک بۆ پرسە سیاسیەکان رایگه‌یاند: له ساڵی 2003 تا ئێستا كیشه‌كان به هه‌ڵپه‌سێردراوی ماونه‌ته‌وه چ له رووی سیاسی و چ له رووی ئه‌منی و ئیداری و ئابووری ، ئه‌مه‌ریكا پێویسته بۆ ئه‌وه‌ی عێراق سه‌قامگیر بێت، هه‌موو لایه‌نه‌كان له ژێر ستراتیژیه‌تێكی یه‌كگرتوو كۆبكاته‌وه.
ئه‌مه‌ریكا پێویسته عێراق بخاته سه‌ر ڕێره‌وێكی ده‌ستووری و یاسایی ، تا هه‌ژموونی ئێران و هه‌ژموونی میلیشیا چه‌كداره شیعیه‌كان له عێراق بنبڕ بكات .
وتیشی پێشبینی ده‌كه‌م ئه‌گه‌ر نه‌توانێت ئه‌و كێشانه‌ی عێراق چاره‌سه‌ر بكات ئه‌وا دووچاری شه‌رمه‌زاری ده‌بێته‌وه .
كازمی پێویسته به‌رژه‌وه‌ندییه‌كانی عێراق له چوارچێوه‌ی سیاسه‌تی ده‌ره‌كی ، پێویستی به پشتیوانی سوننه و كورد و وڵاتانی كه‌نداو هه‌یه ، له‌و قۆناغه نه‌ته‌وه یه‌كگرتوه‌كان رۆڵی ده‌بێت له نزیككردنه‌وه‌ی كازمی له گه‌ڵ كورد ، هه‌روه‌ها سوننه‌كان رێكبخه‌نه‌وه له ناوچه جیاجیاكانی عێراق ، كشانه‌وه‌ی ئه‌مه‌ریكا هه‌ڵه‌یه‌كی گه‌وره ده‌بێت ئه‌گه‌ر رووبدات چونكه ده‌بێته هۆی قوڵكردنه‌وه‌ی كیشه‌كان له عێراق . چونكه ده‌بینین ده‌ستتێوه‌ردانی ده‌ره‌كی هه‌یه بۆ سه‌ر عێراق له لایه‌ن ئێران و توركیاوه .
ئه‌مه‌ریكا بۆته قوربانی هه‌ڵویسته‌كانی پێشووی له عێراق ، بۆیه پێویسته ئه‌مه‌ریكا پێداچوونه‌وه‌یه‌ك له هه‌ڵوێستی سیاسی خۆی بكاته‌وه له چۆنیه‌تی مامه‌ڵه‌كردن له گه‌ڵ عێراق و ئێران له لایه‌كی دیكه
کۆمێنت (0)
تا ئێستا هیچ کۆمێنتێک نەکراوە.