کاسبکارێکی خەڵکی سەقز لە ئاکامی ڕاوەدوونانی لەلایەن هێزە چەکدارەکانی ئێرانەوە ئۆتۆمبێلەکەی هەڵدێراوە و گیانی لە دەست داوە.
بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، شەوی سێشەممە13 ی 10 ی 2020 هێزە ئینتزامییەکانی ئێران لە جاددەی سەقز بۆ دیواندەرە شوێن ئۆتۆمبێلی کاسبکارێکی کورد کەوتوون و بەو هۆیەوە ئۆتۆمبێلەکە وەرگەڕاوە و لەئاکامدا شۆڤیرەکەی بە ناوی ”هیوا وەکیڵی“ گیانی لە دەست داوە.
راشیده‌گه‌ێنێت كه هیوا وەکیڵی خەڵکی سەقز، خێزاندار و باوکی دوو منداڵ بووە.
بە وتەی سەرچاوەیەکی ئاگادار به‌هه‌نگاوی راگه‌یاندووه هێزە چەکدارەکان بە بیانووی گواستنەوەی شت و مەکی قاچاخ شوێن ئەو ئۆتۆمبێلە کەوتوون و ئۆتۆمبێلەکە کاتژمر ١٠:٣٠ شەو لە سێڕێیانی ڕەشیدئاوا و وەزمان هەڵدێراوە.
هه‌نگاو ده‌شڵێت هەروەها، کاسبکارێکی دیکە کە لەگەڵ هیوا وەکیڵی بووە، لەلایەن هێزە چەکدارەکانەوە دەستبەسەر کراوە.
کۆمێنت (0)
تا ئێستا هیچ کۆمێنتێک نەکراوە.