سه‌رپه‌رشتێ چاره‌سه‌ركرنا نه‌خۆشێن كۆرۆنایێ ل پارێزگه‌ها دهۆكێ دیاركركو ئه‌و كه‌سێن دو جاران تووشى كۆرۆنایێ دبن ره‌وشا وان یا ساخله‌میێ تێك ناچیت وه‌كو جارا ئێكێ، چونكو ده‌مێ جارا دویێ كۆرۆنا دهێته كه‌سه‌كی نێشانێن سڤك دیاربن.
د. موئه‌یه‌د ئه‌غالى، سه‌رپه‌رشتێ چاره‌سه‌ركرنا نه‌خۆشێن كۆرۆنایێ ل پارێزگه‌ها دهۆكێ دیاركركو ل پارێزگه‌ها دهۆكێ حاله‌ت هه‌نه هنده‌ك كه‌س دو جاران تووشى كۆرۆنایێ بووینە. بەلێ ئامارێن دروست نینن كا چه‌ند كه‌س دو جاران تووشى بووینه، چونكو دبیت هنده‌ك هه‌بن ل مالێن خوە دا بن وقه‌ستا نه‌خۆشخانێ نه‌كرینه له‌ورا ژى ئامارێن دروست نینن بزانین چه‌ند كه‌س دو جاران تووشى كۆرۆنایێ بووینه و گۆت: " ئه‌و كه‌سێن دو جاران تووشى كۆرۆنایێ بن نیشانێن كۆرۆنایێ د سڤكن ل ده‌ڤ وان".
د. موئه‌یه‌د ئه‌غالى، ئاشكه‌را كركو:" نۆكه ل دهۆكێ 90 تووشبوویێن كۆرۆنایێ دناڤ نه‌خۆشخانه‌یان دا چاره‌سه‌ریێ وه‌ردگرن ژوانا ژى ره‌وشا 35 تووشبوویان مه‌ترسیداره ل سه‌ر ئامیرێ هه‌ناسه‌دانا ده‌ستكرد هاتینه دانان.
کۆمێنت (0)
تا ئێستا هیچ کۆمێنتێک نەکراوە.