نێچیرڤان بارزانی، سه‌رۆكی هه‌رێمی كوردستان له په‌یامێكیدا سه‌ركۆنه‌ی تاوانه‌كه‌ی فه‌رحاتییه ده‌كات و ده‌ڵێت: ئه‌ركی هه‌موو هێز و لایه‌نه‌كانه هاوكار و پاڵپشتی حكوومه‌ت بن بۆ دانانی سنوورێك بۆ هه‌ڕه‌شه و تاوانكاری و ده‌ستدرێژیی به‌رده‌وام بۆ سه‌ر ژیانی هاوڵاتییان و داموده‌زگاكان.
ده‌قی په‌یامه‌كه‌ی سه‌رۆكی هه‌رێمی كوردستان ..
زۆر به توندی ئه‌و تاوانه دڕندانه‌یه ئیدانه و شه‌رمه‌زار ده‌كه‌ین كه له ناوچه‌ی فه‌رحاتییه‌ی سه‌ر به قه‌زای به‌له‌د له پارێزگای سه‌لاحه‌دین ڕوویدا و تیایدا ژماره‌یه‌ك هاووڵاتی بوونه قوربانی. هاوخه‌می كه‌سوكاری قوربانییان و خه‌ڵكی ناوچه‌كه‌ین.
داواكارین ده‌زگا په‌یوه‌نداره‌كانی حكوومه‌تی فیدراڵ ده‌ستوبرد بكه‌ن له دۆزینه‌وه و ده‌ستنیشانكردنی ئه‌و لایه‌ن و گرووپه تیرۆریسته‌ی له پشت تاوانه‌كه‌وه‌ن و تاوانكاران ڕووبه‌ڕووی یاسا بكرێنه‌وه و به سزای خۆیان بگه‌یه‌نن.
ئه‌ركی هه‌موو هێز و لایه‌نه‌كانه هاوكار و پاڵپشتی حكوومه‌ت بن بۆ دانانی سنوورێك بۆ هه‌ڕه‌شه و تاوانكاری و ده‌ستدرێژیی به‌رده‌وام بۆ سه‌ر ژیانی هاوڵاتییان و داموده‌زگاكان.
نێچیرڤان بارزانی
سه‌رۆكی هه‌رێمی كوردستان
٢٠٢٠/١٠/١٨
کۆمێنت (0)
تا ئێستا هیچ کۆمێنتێک نەکراوە.