ئه‌ڤرۆ ئێڤاری 18-10-2020ل كوچكا مێهڤانداریا د.علی ته‌ته‌ر پارێزگه‌رێ دهۆكێ سه‌رپه‌رشتیا كۆمبوونا لیژنا وه‌به‌رهێنانێ ل پارێزگه‌هێ كر. دكۆمبوونێدا گه‌نشه ل سه‌ر كار وپلانێن لیژنا وه‌به‌رهێنانێ وداخازیێن وبه‌رهێنه‌ران وئاریشه وئاسته‌نگێن دكه‌ڤنه پێشیا پرۆژێن وه‌به‌رهێنانێ وچاوانیا چاره‌سه‌ركرنا وان ئاریشه وئاسته‌نگان ب گشتی هاته كرن.
پاش ئه‌ندامێن لیژنێ هه‌ر ئێكی جودا جودا به‌حسێ وان ئاریشه وئاسته‌نگان كر یێن دكه‌ڤنه به‌رسنگێ پرۆێن وه‌به‌رهێانێ وپێشنیار ورێكێن چاره‌سه‌ركرنێ به‌رچاڤكرن. پارێزگه‌رێ دهۆكێ ته‌كه‌زكر كو دڤێت پرۆژێن وه‌به‌رهێنانێ ب رێكێن یاسایی بهێنه پێشكێشكرن و ب یه‌كسانی ل هه‌موو ده‌ڤه‌رداریا بهێنه ئه‌نجامدان و بكوالیتیه‌كا باش بهێنه دورستكرن ، هه‌روه‌سا روتین بهێته كێمكرن و هه‌موو ئاسانكاری بو وه‌به‌رهێنه‌ری بهێنه كرن دا ببیته هانده‌ره‌ك كو وه‌به‌رهێنه‌ر پتر پرۆژێن خزمه‌تگوزاری ل سنورێن پارێزگه‌هێ ئاڤاكه‌ت وپتریا خه‌لكێ مه مفای ژێ وه‌رگریت.
کۆمێنت (0)
تا ئێستا هیچ کۆمێنتێک نەکراوە.