بەمەبەستی هەڵسەنگاندن و گفتوگۆکردن لەسەر چەند پێشنیازە یاسایەک، لێژنەی یاسایی لە پەرلەمانی کوردستان بە سەرپەرشتی د. بژار کوچەر سەرۆکی لێژنە، و بە ئامادەبوونی جێگری سەرۆکی لێژنە و بڕیاردەر و ئەندام و ڕاوێژکارانی لێژنەکە کۆبوونەوە.
لێژنەی یاسایی لە پەرلەمانی کوردستان بڵاوی كرده‌وه كه لە کۆبوونەوەکەدا کە لەهۆڵی لێژنەی یاسایی بەڕێوەچوو، گفتوگۆ لەسەر (10) پێشنیازە یاسا کرا ، کە لەلایەن ژمارەی یاسایی ئەندامانی پەرلەمان، پێشکەش بە سەرۆکایەتی پەرلەمانی کوردستان کرابوون .
هه‌روه‌ها راشیده‌گه‌یه‌نن كه تەوەرێکیتری کۆبوونەوەکە تایبەت بوو بە هەڵسانگاندنی لێژنەی یاسایی بۆ ڕاپۆرتی لێژنەی دارایی پەرلەمانی کوردستان، لەبارەی پڕۆژەیاسای (فرۆشتن و بەکرێدانی مایەکانی دەوڵەت)، لەلایەن خۆیەوە لێژنەکە ڕاستاندنی بۆ سەرجەم ماددە و بڕگەکانی پڕۆژەیاساکە کرد، بەجۆرێک کە ناوەڕۆکی پڕۆژەیاساکە لەگەڵ دەستوور و یاسا بەرکارەکان ناکۆک نەبێت، و لەمبارەیەوە بڕیاریاندا بە ڕاپۆرتێک سەرۆکایەتی پەرلەمانی کوردستان لە ناوەڕۆکی کۆبوونەوەکە ئاگاداربکەنەوە.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.