ته‌قینه‌وه‌یه‌ك له نزیك گوندی رواله سه‌ربه ناحیه‌ی قه‌راج له قه‌زای مه‌خموور روویدا و به‌هۆیه‌وه، باوكێك و سێ كوڕی گیانیان له‌ده‌ست دا و كوڕێكی دیكه‌شی بێ سه‌روشوێنه.
سه‌رله‌به‌یانی ئه‌مڕۆ سێشه‌ممه له نزیك گوندی رواله، به‌ھۆی ته‌قینه‌وه‌ی بۆمبێكه‌وه باوكێك و سێ كوڕی گیانیان له ده‌ستداوه و چاره‌نووسی كوڕێكی دیكه‌یشیان نادیاره.
به‌گوێره‌ی زانیارییه‌كان گومان ده‌كرێت بۆمبه‌كه، بۆمبی سه‌رده‌می داعش بێت و له‌كاتێكدا ئه‌و ھاووڵاتییانه سه‌رقاڵی كاری خۆیان بوون پێیاندا ته‌قیووه‌ته‌وه، ھاوكات ھێزێكی لیوای ٥١ی سوپای عێراق له نزیك شوێنی رووداوه‌كه‌یه و گومان ده‌كرێت ئه‌وان زوو گه‌یشتبنه شوێنه‌كه و ره‌نگه ئه‌و كه‌سه‌ی چاره‌نووسی نادیاره له‌لایه‌ن ئه‌و ھێزه‌وه ره‌وانه‌ی نه‌خۆشخانه كرابێت.
کۆمێنت (0)
تا ئێستا هیچ کۆمێنتێک نەکراوە.